በሕዝብ ተወካዮች ም/ቤት የመንግሥት ዋና ተጠሪ ሚኒስትር የኮርፖሬሽኑን የግብርና ግብዓት ማዕከል ጎበኙ

ቦንጋ፣ ታህሳስ 4 ቀን 2018 ዓ.ም (ኢግሥኮ)፡- በኢፌዴሪ የሕዝብ ተወካዮች ምክር ቤት የመንግሥት ዋና ተጠሪ ሚኒስትር ተስፋዬ በልጅጌ (ዶ/ር) የተመራ የልዑካን ቡድን የኢትዮጵያ የግብርና ሥራዎች ኮርፖሬሽን በቦንጋ ከተማ ያስገነባውን የተቀናጀ የግብርና ግብዓትና የሜካናይዜሽን አገልግሎት ማዕከል ጎበኘ።

የልዑካን ቡድኑ በማዕከሉ የሚካሄደውን የምርጥ ዘር ዝግጅት ተመልክቷል። 

በጉብኝቱ  ላይ አቶ ሳዳት ነሻ በምክትል ርዕሰ መስተዳድር ማዕረግ የኦሮሚያ ክልል የማኅበራዊ ክላስተር አስተባባሪ፣ አቶ ፍቅሬ አማን የደቡብ ምዕራብ ኢትዮጵያ ሕዝቦች ክልል የመንግሥት ዋና ተጠሪ እንዲሁም የካፋ ዞንና የቦንጋ ከተማ አስተዳደር የሥራ ኃላፊዎች ተገኝተዋል።
                       ###
        ግብርናን ማዘመን ግባችን ነው!

ማስታወቂያ

አስተማማኝ የእርሻ መሣሪያዎች – ከኢግሥኮ

Advertisement – Reliable Agricultural Machinery from EABC

ክቡራን ደንበኞቻችን ሁሉ ሙሉ፣ ሁሌም ዝግጁ ወደ ሆነው ኮርፖሬሽናችን ጎራ ሲሉ አስተማማኝ ትራክተሮች፣ አጭዶ መውቂያዎች (Combine harvesters)፣ ቆሞ መውቂያዎች (Multi-Crop Threshers)፣ ማረሻ፣ መከስከሻ፣ መስመር ማውጫ፣ ኬሚካል መርጫ፣ ዘር መዝሪያ፣ ማዳበሪያ መበተኛ፣ ጎማ፣ ባትሪ፣ ዘይትና ነዳጅ ማጣሪያ (ፊልተር)፣ የመዳብ ሽቦ፣ የመስኖ ፓምፕ እና መለዋወጫዎችን በተመጣጣኝ ዋጋ ያገኛሉ።

ከሽያጭ በኋላ የቴክኒክ ሞያ ሥልጠና፣ የጥገና እና የምክር አገልግሎቶችን ስለምንሰጥ በአጠቃቀምና በጥገና ዙሪያ ሀሳብዎን እኛ ላይ ይጣሉ።

ለበለጠ መረጃ:- በ0911 157 091 ወይም 0911 433 489 ላይ ይደውሉ።

###

ግብርናን ማዘመን ግባችን ነው! የኢትዮጵያ የግብርና ሥራዎች ኮርፖሬሽን (ኢግሥኮ)

Advertisement – Reliable Agricultural Machinery from EABC

Dear esteemed customers,

We are always ready to serve you.

EABC provides reliable tractors, combine harvesters, multi-crop threshers, ploughs, furrows, ridgers, pneumatic planters, seed drills, fertilizer spreaders, chemical sprayers, irrigation pumps, tires, batteries, oil & fuel filters, copper wire and various spare parts at affordable prices.

We also offer after-sales services including technical training, maintenance and advisory support.

Rely on us for all your operational and maintenance needs.

For more information, call 0911 157 091 or 0911 433 489.

Modernizing Agriculture Is Our Goal!

Ethiopian Agricultural Businesses Corporation (EABC)

የመስክ ጉብኝት

የኢትዮጵያ የግብርና ሥራዎች ኮርፖሬሽን ዋና ሥራ አስፈጻሚ ክብርት ወ/ሮ የሺእመቤት ነጋሽ የተቋሙን የአርዳይታና የአሰላ ጎንዴ የምርጥ ዘር እርሻዎች ሲጎበኙ

ኮርፖሬሽኑ በ20 ሺህ ሔክታር ላይ የደረሱ የምርጥ ዘር ሰብሎችን እየሰበሰበ ነው

አዲስ አበባ፤ ሕዳር 3/2018 (ኢዜአ)፦ የኢትዮጵያ የግብርና ሥራዎች ኮርፖሬሽን በ20 ሺህ ሔክታር ላይ የደረሱ የምርጥ ዘር ሰብሎችን እየሰበሰበ መሆኑን አስታወቀ።

የኮርፖሬሽኑ የኮሙኒኬሽንና ማኅበራዊ ኃላፊነት ሥራ አመራር ሥራ አስኪያጅ ጋሻው አይችሉህም ለኢዜአ እንዳሉት፥ ተቋሙ በራሱ የምርጥ ዘር ማባዣ እርሻዎች እንዲሁም በኮንትራት ዘር አባዥ እርሻ (በሰፋፊ የባለሃብቶች እርሻ)፣ በክላስተር በተደራጁ አርሶ አደሮች ማሳ እና በሦስት የግብርና ቴክኒክና ሞያ ትምህርት ሥልጠና ኮሌጆች እርሻ የተባዙ ሰብሎችን እየሰበሰበ ነው።

በአጠቃላይ በ20 ሺህ ሔክታር መሬት ላይ የተባዙ የ22 ሰብሎች 90 ዝርያዎች ምርት እየተሰበሰበ ይገኛል ብለዋል።

ኮርፖሬሽኑ በ2017/18 የምርት ዘመን ለማባዛት ያቀደው 460 ሺህ ኩንታል ዘር መሆኑንም አስታውቀዋል።

በሀገር ደረጃ የምግብ ሉዓላዊነትን ለማሳካት እየተደረገ በሚገኘው ዘርፈ ብዙ እንቅስቃሴ ውስጥ ኮርፖሬሽኑ የግብርና ግብዓቶችንና ዘመናዊ የእርሻ መሣሪያዎችን በማቅረብ እንዲሁም የተቀናጀ የሜካናይዜሽን አገልግሎት በመስጠት ግምባር ቀደም ሚና እየተጫወተ ይገኛል ሲሉም ገልፀዋል።

ዉግዛል/WUXALማክሮሚክስ ፈሳሽ ማዳበሪያ – የሁሉ ምርጫ

የኢትዮጵያ የግብርና ሥራዎች ኮርፖሬሽን (ኢግሥኮ) በዋና መ/ቤቱ እና በክልሎች በሚገኙ ቅርንጫፎቹ ለአርሶ አደሮች፣ ከፊል አርብቶ አደሮች እና ባለሃብቶች ከሚያከፋፍላቸው የግብርና ግብዓቶች አንዱ ዉግዛል/WUXAL ነው።

ዉግዛል/WUXALማክሮሚክስ ፈሳሽ ማዳበሪያ በሰብል፣ በአትክልትና ፍራፍሬ ቅጠል ላይ የሚረጭ ሲሆን፣ የምርት ጥራትና ምርታማነት እንዲጨምር ያግዛል፤ የሰብሎችን በሽታ የመቋቋም አቅምም ያሳድጋል።

ምን ይሄ ብቻ፤ ምርትን በአጭር ጊዜ፣ በከፍተኛ መጠንና ጥራት ለማምረት እንዲሁም የአፈር ብክለትና የማዳበሪያ ንጥረ ነገር ትነት መጠንን ለመቀነስም ይጠቅማል።

አግሉኮን በተባለ የጀርመን ኩባንያ የሚመረተው ይህ ፈሳሽ ማዳበሪያ በዓለም ገበያ የተዋወቀው እ.ኤ.አ በ1963 ሲሆን፣ በአሁኑ ወቅት ኢትዮጵያን ጨምሮ በ75 ሀገራት ተደራሽ ሆኗል።

ይምጡ! ይዘዙን! ያትርፉ!

ለበለጠ መረጃ:- በ0911966389 ወይም በ0921353354 ላይ ይደውሉ።

ዱዝ-ፋር (DEUTZ-FAHR) ትራክተር – የአውሮፓ ስሪት

የኢትዮጵያ የግብርና ሥራዎች ኮርፖሬሽን (ኢግሥኮ) ለኢትዮጵያ የአየር ንብረትና የመሬት አቀማመጥ ተስማሚ የሆነውን ዱዝ-ፋር ትራክተር በተመጣጣኝ ዋጋ ለተጠቃሚዎች በድጋሚ ማቅረቡን ሲገልጽ በደስታ ነው።

ወደ ኮርፖሬሽናችን ጎራ ሲሉ ከእርሻ መሣሪያዎች በተጨማሪ አረም፣ ተባይ፣ የሰብል በሽታና የመጋዘን ነፍሳትን ጥርግርግ አድርገው የሚያጠፉ አንጀት አርስ የአግሮኬሚካሎች ቡፌ /buffet/ በአይነት በአይነቱ ያገኛሉ።

ይምጡ! በአገልግሎታችን ተደስተው ይመለሳሉ።

ለበለጠ መረጃ :- ለትራክተርና ለእርሻ መሣሪያዎች መለዋወጫ 0114 – 423 438 ወይም 0911 157 091 ወይም 0911 433 489 እንዲሁም ለአግሮኬሚካሎች 0911 966 389 ወይም 0921 353 354 ላይ ይደውሉ።

ብሔራዊ ጥቅም እና የጂኦስትራቴጂ ቁመና” ርዕሰ ጉዳይ ላይ ውይይት ተደረገ

አዲስ አበባ፣ ጥቅምት 7/2018 ዓ.ም (ኢግሥኮ):- “ብሔራዊ ጥቅም እና የጂኦስትራቴጂ ቁመና” ርዕሰ ጉዳይ ላይ የኢትዮጵያ የግብርና ሥራዎች ኮርፖሬሽን የሥራ መሪዎችና ሠራተኞች ጥቅምት 7 ቀን 2018 ዓ.ም ተወያዩ።

በኮርፖሬሽኑ ዋና መ/ቤት የተካሄደውን የውይይት መድረክ የመሩት የተቋሙ ዋና ሥራ አስፈጻሚ ወ/ሮ የሺእመቤት ነጋሽ በ”ብሔራዊ ጥቅምና የጂኦስትራቴጂ ቁመና” ርዕሰ ጉዳይ ላይ የተዘጋጀን የመነሻ ሰነድ አቅርበዋል።

ዋና ሥራ አስፈጻሚዋ በዚህ ወቅት ባደረጉት ገለጻ፣ ብሔራዊ ጥቅም የሀገራዊ ህልውና፣ ደኅንነትና ብልጽግና ጉዳይ መሆኑን አስገንዝበዋል።

አክለውም የብሔራዊ ጥቅምና የጂኦስትራቴጂያዊ ቁመና አጀንዳ የሀገር፣ የሕዝብና የትውልድ አጀንዳ መሆኑን ገልጸው፣ አሁን ባለንበት ሁኔታ የባህር በር ጥያቄ ወደ አጀንዳነት እየተቀየረ ነው ብለዋል።

ኮርፖሬሽኑ የምግብ ሉዓላዊነትን በማረጋገጥ ረገድ ከፍተኛ ሀገራዊ ኃላፊነት አለበት ያሉት ወ/ሮ የሺእመቤት፣ ለተልዕኮው መሳካት የኮርፖሬሽኑ አመራሮችና ሠራተኞች ግምባር ቀደም ሚና መጫወት እንደሚጠበቅባቸው አሳስበዋል።

በመጨረሻም “ለሀሰት ትርክትና ፕሮፓጋንዳ እጅ ሳንሰጥ አንድ ሆነን ሀገራችንን ወደተሻለ የእድገት ምዕራፍ ማሸጋገር አለብን” ብለዋል።

የውይይቱ ተሳታፊዎች በበኩላቸው በሰጡት አስተያየት፣ ብሔራዊ ጥቅምን ለማስጠበቅ ውስጣዊ አንድነትን ይበልጥ በማጠናከር ብሔራዊ መግባባት ላይ መድረስ ወሳኝ መሆኑን ተናግረዋል።

በዕለቱ ከሠራተኞች ለተነሱ ጥያቄዎችና አስተያየቶች የኮርፖሬሽኑ ዋና ሥራ አስፈጻሚ ምላሽ ሰጥተዋል።

የአርሶ አደሮች የመስክ ቀን

በሀዋሳ ቅርንጫፍ ጽ/ቤት አስተባባሪነት BH-520 እና BH-549 ድቃይ በቆሎ ለአርሶ አደሮችና ለግብርና ባለሞያዎች የማስተዋወቅ ሥራ – በሲዳማ ክልል ቦና ወረዳ

የኢግሥኮ የምርጥ ዘር ማባዣ እርሻዎችና የሰብል ምርት በከፊል

የኢትዮጵያ የግብርና ሥራዎች ኮርፖሬሽን (ኢግሥኮ) በቅድመ መስራች፣ መስራች እና የተመሰከረለት ዘር ደረጃዎች የ22 ሰብሎችን 91 ዝርያዎች በእራሱ እርሻዎች እንዲሁም በባለሃብቶች ሰፋፊ እርሻዎችና በአርሶ አደሮች ማሳ በሽርክና እያባዛ ይገኛል።

የኮርፖሬሽኑ ዋና ሥራ አስፈጻሚ ከተቋሙ የሥራ አመራር  ጋር ተዋወቁ

አዲስ አበባ፣ መስከረም 20/2018 ዓ.ም (ኢግሥኮ)፡- የኢትዮጵያ የግብርና ሥራዎች ኮርፖሬሽን ዋና ሥራ አስፈጻሚ ከተቋሙ የሥራ አመራር ጋር ትውውቅ አደረጉ።

ዋና ሥራ አስፈጻሚዋ ወይዘሮ የሺእመቤት ነጋሽ መስከረም 20/2018 ዓ.ም በኮርፖሬሽኑ ዋና መ/ቤት ተገኝተው ከሥራ አመራሩ ጋር ተዋውቀዋል።

በዚሁ ወቅት እንደተናገሩት፣ ኮርፖሬሽኑ ግብርናን በማዘመንና የምግብ ሉዓላዊነትን በማረጋገጥ ረገድ ከፍተኛ ሀገራዊ ኃላፊነት እንደተጣለበት አስታውቀው፣ በግብርናው ዘርፍ የተጀመሩና አዳዲስ የልማት ሥራዎችን በጋራ ጥረት ይበልጥ ውጤታማ ማድረግ ይገባል ብለዋል።

ይህንን ለመፈጸም ኮርፖሬሽኑ በሰው ኃይል፣  በአደረጃጀት፣ በአሠራርና በሀብት የተሟላ እንደሆነ መረዳታቸውን ገልጸዋል።

ይህ በእንዲህ እንዳለ ዋና ሥራ አስፈጻሚዋ ነገ ረቡዕ መስከረም 21/2018 ዓ.ም የኮርፖሬሽኑን ሠራተኞች እንደሚያነጋግሩ ይጠበቃል።

በተለያዩ ከፍተኛ የሥራ ኃላፊነት ቦታዎች ሀገራቸውን ያገለገሉት ወይዘሮ የሺእመቤት ነጋሽ ከመስከረም 16 ቀን 2018 ዓ.ም ጀምሮ የኢትዮጵያ የግብርና ሥራዎች ኮርፖሬሽን ዋና ሥራ አስፈጻሚ ሆነው ተመድበዋል።
                            ###
           ግብርናን ማዘመን ግባችን ነው!