የኢትዮጵያ የግብርና ሥራዎች ኮርፖሬሽን የ2016 በጀት ዓመት ዕቅድ አፈጻጸም የተቋሙ የማኔጅመንት አባላት እና የቅርንጫፍ ጽ/ቤቶች ሥራ አስኪያጆች በተገኙበት እየተገመገመ ነው።
ግምገማው በነገው ዕለትም የሚቀጥል ሲሆን፣ ነገ የኮርፖሬሽኑ የ2017 በጀት ዓመት ዕቅድ ቀርቦ ውይይት ይደረጋል።
###
ግብርናን ማዘመን ግባችን ነው! ሐምሌ 16 ቀን 2016 ዓ.ም
ኮርፖሬሽኑ በአዲስ አበባ ያስገነባውን የአቅመ ደካማ መኖሪያ ቤት አስመረቀ
* በሌላ ዜና ለኮርፖሬሽኑ የውስጥ አገልግሎት የሚውሉ የዳቦ መጋገሪያ እና የጉድጓድ ውኃ ፕሮጀክቶች ተመርቀዋል
አዲስ አበባ፣ ሐምሌ 16 ቀን 2016 ዓ.ም (ኢግሥኮ)፡- የኢትዮጵያ የግብርና ሥራዎች ኮርፖሬሽን በአዲስ አበባ አቃቂ ቃሊቲ ክፍለ ከተማ ወረዳ 6 ያስገነባውን የአቅመ ደካማ መኖሪያ ቤት ሐምሌ 16 ቀን 2016 ዓ.ም አስመረቀ። ወይዘሮ አስናቀች ፀጋ ለተባሉ የወረዳ 6 ነዋሪ ከ1 ሚሊየን ብር በላይ ወጪ የተገነባውን መኖሪያ ቤት በመመረቅ ቁልፍ የአስረከቡት የኮርፖሬሽኑ ዋና ሥራ አስፈጻሚ አቶ ክፍሌ ወልደማርያም እና በአቃቂ ቃሊቲ ክፍለ ከተማ የወረዳ 6 አስተዳደር ዋና ሥራ አስፈጻሚ አቶ ቶፊቅ ከድር ናቸው። በዚሁ ወቅት ንግግር የአደረጉት የኮርፖሬሽኑ ዋና ሥራ አስፈጻሚ፣ ኮርፖሬሽኑ የሕዝብ ተቋም እንደመሆኑ ለሕዝብ ያለውን አጋርነት ለማረጋገጥ ማኅበራዊ ኃላፊነቱን በመወጣት ላይ ይገኛል ብለዋል። ኮርፖሬሽኑ ባለፉት ዓመታት ለበርካታ ዜጎች የሥራ እድል በመፍጠር እና ከሚያገኘው ትርፍ ላይ በየዓመቱ ለማኅበራዊ ኃላፊነት በጀት በመመደብ በተለያዩ አካባቢዎች ለበርካታ ማኅበረሰቦች የገንዘብ እና የቁሳቁስ ድጋፎችን ሲያደርግ መቆየቱን አቶ ክፍሌ አብራርተዋል፡፡ አክለውም ኮርፖሬሽኑ በ2016 በጀት ዓመት የአረንጓዴ አሻራ መርሐ ግብርን ከማስቀጠል ባሻገር ለተለያዩ የክረምት የበጎ ፈቃድ አገልግሎቶች ከ16 ሚሊየን ብር በላይ ማውጣቱን ጠቁመው፣ ከአከናወናቸው ሥራዎች አንዱ የወይዘሮ አስናቀች ፀጋ መኖሪያ ቤት ግንባታ መሆኑን አስታውቀዋል። የወረዳ 6 አስተዳደር ዋና ሥራ አስፈጻሚ አቶ ቶፊቅ ከድር በበኩላቸው፣ ከኮርፖሬሽኑ ጋር በመተባበር በርካታ ሰው ተኮር የሆኑ ሥራዎችን እያከናወኑ እንደሚገኙ ጠቁመው፣ ኮርፖሬሽኑ የአስገነባው የአስፋልት መንገድ፣ አጥር እና ሌሎች የግቢ ማስዋብ ሥራዎች የአካባቢውን ገጽታ በተሻለ መልኩ መቀየራቸውን ተናግረዋል፡፡ ኮርፖሬሽኑ አርሶ አደሩን ብቻ ሳይሆን የከተማ ነዋሪዎችንም ጭምር ተጠቃሚ የሚያደርጉ በርካታ ሥራዎችን እያከናወነ እንደሚገኝ የገለጹት አቶ ቶፊቅ፣ የአቅመ ደካማ ቤት እድሳት ሥራ፣ የውኃ እና ጎርፍ ማፋሰሻ ተግባራት ለዚህ ተጠቃሽ ናቸው ብለዋል፡፡ በዚህ የተነሳም የአካባቢው ነዋሪ ኮርፖሬሽኑን እንደ እራሱ ንብረት እያየው ይገኛል ብለዋል። በኮርፖሬሽኑ የውስጥ አቅም የተገነባው የወይዘሮ አስናቀች መኖሪያ ቤት በብሎኬት የተሰራ ሲሆን፣ የቀድሞውን እድሜ ጠገብ አሮጌ ቤት አፍርሶ ለመገንባት የሦስት ወራት ጊዜ ወስዷል፡፡ 7መኖሪያ ቤቱ ማብሰያ ቤትን ጨምሮ አራት ክፍሎች ያሉት ሲሆን፣ የቤት ውስጥ ቁሳቁስ ተሟልቶለታል፡፡ በመርሐ ግብሩ ማጠቃለያ ኮርፖሬሽኑ በ2016 በጀት ዓመት በአቃቂ ቃሊቲ ክፍለ ከተማ ለአበረከተው የልማት አስተዋጽዖ ከክፍለ ከተማው የምስጋና የምስክር ወረቀት ተበርክቶለታል። በሌላ ዜና ለኮርፖሬሽኑ የውስጥ አገልግሎት የሚውሉ የዳቦ መጋገሪያ እና የጉድጓድ ውኃ ፕሮጀክቶች ሐምሌ 16 ቀን 2016 ዓ.ም ተመርቀዋል። የውኃ ፕሮጀክቱ በተደጋጋሚ ያጋጥም የነበረን የውኃ እጥረት ያቃለለ ሲሆን፣ ዳቦ ቤቱ ደግሞ ለኮርፖሬሽኑ ሠራተኞች በተመጣጣኝ ዋጋ አገልግሎት እየሰጠ ይገኛል። በቀጣይም ለአካባቢው ማኅበረሰብ ዳቦ እና እንቁላል ለማቅረብ ታስቧል።
ግብርናን ከማዘመን ጎን ለጎን ማኅበራዊ ኃላፊነትን በመወጣት ለሕዝብ ያለንን አጋርነት እናረጋግጣለን!
ኮርፖሬሽኑ የISO 9001:2015 የጥራት ሥራ አመራር ሥርዓት የሙከራ ትግበራ ጀመረ
* “የዛሬው ዕለት ለኮርፖሬሽኑ ታሪካዊ ቀን ነው” የኮርፖሬሽኑ ዋና ሥራ አስፈጻሚ
* “የሀገሪቱ የምጣኔ ሀብት እድገት የጀርባ አጥንት ለሆነ ተቋም የጥራት ሥራ አመራር ሥርዓት እንዲተገብር የማማከር እና የመደገፍ ሥራ እያከናወንን በመሆኑ ታላቅ ደስታ እና ኩራት ይሰማናል” የኢትዮጵያ ደረጃዎች ኢንስቲትዩት ዋና ዳይሬክተር
አዲስ አበባ፣ ሐምሌ 15 ቀን 2016 ዓ.ም (ኢግሥኮ)፡- የኢትዮጵያ የግብርና ሥራዎች ኮርፖሬሽን የISO 9001:2015 የጥራት ሥራ አመራር ሥርዓት የሙከራ ትግበራ ጀመረ፡፡
በኮርፖሬሽኑ የስብሰባ አዳራሽ ሐምሌ 15 ቀን 2016 ዓ.ም በተካሄደ የጥራት ሥራ አመራር ሥርዓት የሙከራ ትግበራ ማስጀመሪያ መርሐ ግብር፣ የኮርፖሬሽኑ ዋና ሥራ አስፈጻሚ አቶ ክፍሌ ወልደማርያም እንደተናገሩት፣ ዕለቱ ኮርፖሬሽኑ የISO 9001:2015 የጥራት ሥራ አመራር ሥርዓትን በመተግበር ከዓለም አቀፍ ተቋማት መካከል አንዱ የሚያደርገው ታሪካዊ ቀን ነው ብለዋል፡፡አክለውም ሁሉም የሥራ መሪዎች እና ሠራተኞች የአሠራር ሥርዓቱ ሙሉ በሙሉ ተግባራዊ እንዲሆን በቁርጠኝነት በመስራት አሻራቸውን እንዲያኖሩ የሥራ መመሪያ ሰጥተዋል፡፡አያይዘውም የአሠራር ሥርዓቱን ተግባራዊ ለማድረግ በተከናወኑ ሥራዎች ላይ አስተዋጽዖ ለአበረከቱ በሙሉ ምስጋና አቅርበዋል፡፡
በሙከራ ትግበራ ማስጀመሪያ ሥነ ሥርዓቱ ላይ የተገኙት የኢትዮጵያ የደረጃዎች ኢንስቲትዩት ዋና ዳይሬክተር መሰረት በቀለ (ዶ/ር) በበኩላቸው፣ “የሀገሪቱ የምጣኔ ሀብት እድገት የጀርባ አጥንት ለሆነ ተቋም የISO 9001:2015 የጥራት ሥራ አመራር ሥርዓት እንዲተገብር የማማከር እና የመደገፍ ሥራ እያከናወንን በመሆኑ ታላቅ ደስታ እና ኩራት ይሰማናል” በማለት ተናግረዋል፡፡አክለውም ኮርፖሬሽኑ የሰነድ ሥራዎችን እና ሌሎች ቅድመ ዝግጅቶችን በአጭር ጊዜ አከናውኖ ወደ ሙከራ ትግበራ መግባቱ የሚደነቅ መሆኑን ጠቁመው፣ የተቋሙን ሥራ አመራር እና ሠራተኞች እንኳን ደስ ያላችሁ ብለዋል፡፡ ISO 9001:2015 የጥራት ሥራ አመራር ሥርዓትን ለመተግበር ከፍተኛ ቁርጠኝነት እንደሚጠይቅ የገለጹት ዋና ዳይሬክተሯ፣ በዚህ ረገድ የኮርፖሬሽኑ አመራሮች እና ሠራተኞች ያላቸው ቁርጠኝነት የሚደነቅ መሆኑን ተናግረዋል፡፡ የጥራት ሥራ አመራር ሥርዓትን መተግበር በትርፋማነት እና አሠራር ላይ ከፍተኛ ለውጥ ያመጣል ያሉት ዋና ዳይሬክተሯ፣ ተቋማቸው ኮርፖሬሽኑ የአሠራር ሥርዓቱን ሙሉ በሙሉ እንዲተገብር በተለየ ሁኔታ ድጋፉን አጠናክሮ እንደሚቀጥል አረጋግጠዋል፡፡ የሙከራ ትግበራ ሥራው እስከ መስከረም 30 ቀን 2017 ዓ.ም የሚቆይ ሲሆን፣ የኮርፖሬሽኑ ሠራተኞች ሥርዓቱን ተግባራዊ ለማድረግ ዝግጁ እና ቁርጠኛ መሆናቸውን በሰጡት አስተያየት አስታውቀዋል፡፡ ይህ በእንዲህ እንዳለ በዕለቱ መርሐ ግብር የISO ዶክመንት ርክክብ የተደረገ ሲሆን፣ ሰነዶቹን ለአራት የዘርፍ ኃላፊዎች የአስረከቡት የኮርፖሬሽኑ ዋና ሥራ አስፈጻሚ አቶ ክፍሌ ወልደማርያም ናቸው፡፡ በሌላ በኩል ከኮርፖሬሽኑ ዋና መ/ቤት እና ከቅርንጫፍ ጽ/ቤቶች ተውጣተው የISO 9001:2015 የጥራት ሥራ አመራር ሥርዓት የአተገባበር ሥልጠና የወሰዱ 39 ሠራተኞች ከኢትዮጵያ የደረጃዎች ኢንስቲትዩት ዋና ዳይሬክተር መሰረት በቀለ (ዶ/ር) እጅ የምስክር ወረቀት ተቀብለዋል፡፡
###
የጥራት ሥራ አመራር ሥርዓትን በመተግበር ግብርናን የማዘመን ግባችንን እናሳካለን!
ኮርፖሬሽኑ ሮቤ ከተማ ላይ ያስገነባው የአቅመ ደካማ መኖሪያ ቤት ተመረቀ
ሮቤ፣ ሐምሌ 13 ቀን 2016 ዓ.ም (ኢግሥኮ)፡- የኢትዮጵያ የግብርና ሥራዎች ኮርፖሬሽን በባሌ ሮቤ ከተማ 1 ሚሊየን ብር በሚጠጋ ወጪ ያስገነባው የአቅመ ደካማ መኖሪያ ቤት ሐምሌ 13 ቀን 2016 ዓ.ም ተመርቆ የቁልፍ ርክክብ ተፈጽሟል።
ኮርፖሬሽኑ መኖሪያ ቤቱን ያስገነባው በሮቤ ከተማ በሃቢፍቱ ቀበሌ ነዋሪ ለሆኑት ወይዘሮ መክዳ አብዱራሂም ነው።
በምረቃ እና በቁልፍ ርክክብ መርሐ ግብሩ ላይ የተገኙት የኮርፖሬሽኑ ዋና ሥራ አስፈጻሚ አቶ ክፍሌ ወልደማርያም በአደረጉት ንግግር፣ ኮርፖሬሽኑ የሕዝብ ተቋም እንደመሆኑ ለሕዝብ ያለውን አጋርነት ለማረጋገጥ ማኅበራዊ ኃላፊነቱን በመወጣት ላይ ይገኛል ብለዋል።
በዕለቱ ዋና ሥራ አስፈጻሚው ከሮቤ ከተማ አስተዳደር ከፍተኛ አመራሮች ጋር በመሆን መኖሪያ ቤቱን መርቀው ለወይዘሮ መክዳ አብዱራሂም ቁልፍ አስረክበዋቸዋል። ኮርፖሬሽኑ ባለፉት ዓመታት ለበርካታ ዜጎች የሥራ እድል በመፍጠር እና ከሚያገኘው ትርፍ ላይ በየዓመቱ ለማኅበራዊ ኃላፊነት በጀት በመመደብ በተለያዩ አካባቢዎች ለበርካታ ማኅበረሰቦች የገንዘብ እና የቁሳቁስ ድጋፎችን ሲያደርግ መቆየቱን አቶ ክፍሌ አብራርተዋል፡፡
አክለውም ኮርፖሬሽኑ በ2016 በጀት ዓመት የአረንጓዴ አሻራ መርሐ ግብርን ከማስቀጠል ባሻገር ለተለያዩ የክረምት የበጎ ፈቃድ አገልግሎቶች ከ16 ሚሊየን ብር በላይ ማውጣቱን ጠቁመው፣ ኮርፖሬሽኑ ከአከናወናቸው ሥራዎች አንዱ የወይዘሮ መክዳ አብዱራሂም መኖሪያ ቤት ግንባታ መሆኑን አስታውቀዋል።
በቀጣይም የኮርፖሬሽኑ የፋይናንስ አቅም እየታየ ተጨማሪ የበጎ ፈቃድ ሥራዎችን በተለያዩ የሀገሪቷ አካባቢዎች ለማከናወን ጥረት እንደሚደረግ ቃል ገብተዋል። በኮርፖሬሽኑ የውስጥ አቅም በ885 ሺህ 197 ብር ወጪ በ63 ካሬ ሜትር ቦታ ላይ የተገነባው የወይዘሮ መክዳ መኖሪያ ቤት በብሎኬት የተሰራ ሲሆን፣ ከተገነባ 48 ዓመታት ሞልቶት የነበረውን የቀድሞውን አሮጌ ቤት አፍርሶ ለመገንባት 55 ቀናት ወስዷል፡፡ በአዲስ መልክ የተገነባው ይህ መኖሪያ ቤት ሳሎን እና ሁለት የመኝታ ክፍሎች ያሉት ሲሆን፣ የቤት ውስጥ ቁሳቁስም ተሟልቶለታል፡፡ በሀገር ሽማግሌዎች እና በአባ ገዳዎች ምርቃት የተጀመረው የዕለቱ የምረቃ እና የቁልፍ ርክክብ ሥነ ሥርዓት የሮቤ ከተማ አስተዳደር የበሃቢፍቱ ቀበሌ መስተዳድር ለኮርፖሬሽኑ የበላይ አመራሮች የጋቢ ሥጦታ አበርክቶ ተጠናቋል። በተመሳሳይ ዜና ኮርፖሬሽኑ በአዲስ አበባ ከተማ አቃቂ ቃሊቲ ክፍለ ከተማ ወረዳ 6 ያስገነባውን ተጨማሪ የአቅመ ደካማ መኖሪያ ቤት ሐምሌ 16 ቀን 2016 ዓ.ም እንደሚያስመርቅ ይጠበቃል። ግብርናን ከማዘመን ጎን ለጎን ማኅበራዊ ኃላፊነታችንን በመወጣት ለሕዝብ ያለንን አጋርነት እናረጋግጣለን!
“ኮርፖሬሽኑ በግብርናው ዘርፍ የተሰጠውን ተልዕኮ እየተወጣና ትርፋማነቱን እያረጋገጠ በመዝለቁ ሊበረታታ ይገባል” በሕዝብ ተወካዮች ምክር ቤት የመንግሥት ልማት ድርጅቶች ጉዳዮች ቋሚ ኮሚቴ
* የአፈር ማዳበሪያ አቅርቦት ላይ ዘንድሮ የታየው አፈጻጸምም ጥሩ ነው ተብሏል
አዲስ አበባ፣ ግንቦት 28/2016 ዓ.ም (ኢግሥኮ)፡- የኢትዮጵያ የግብርና ሥራዎች ኮርፖሬሽን በመንግሥት የተሰጠውን ተልዕኮ እየተወጣ እና ትርፋማነቱን እያረጋገጠ በመዝለቁ ሊበረታታ እንደሚገባ በኢፌዴሪ የሕዝብ ተወካዮች ምክር ቤት የመንግሥት ልማት ድርጅቶች ጉዳዮች ቋሚ ኮሚቴ አስታወቀ፡፡
ይህ የተገለጸው የኮርፖሬሽኑ የ2016 በጀት ዓመት የዘጠኝ ወራት ዕቅድ አፈጻጸም ሪፖርት ግንቦት 28 ቀን 2016 ዓ.ም ለሕዝብ ተወካዮች ምክር ቤት የመንግሥት ልማት ድርጅቶች ጉዳዮች ቋሚ ኮሚቴ በቀረበበት ወቅት ነው።
በዚሁ ወቅት የቋሚ ኮሚቴው የአገልግሎት ንዑስ ኮሚቴ ሰብሳቢ አቶ ኢያሱ ሳላ እንደገለጹት፣ ኮርፖሬሽኑ በመላ ሀገሪቱ ምርትና አገልግሎቱን ተደራሽ ለማድረግ ከሚያከናውነው ዘርፈ ብዙ እንቅስቃሴ ባሻገር ማኅበራዊ ኃላፊነቱን በመወጣት ቀጣይነት ያለው ትርፍ እያረጋገጠ መሄዱ የሚያበረታታ ተግባር ነው ብለዋል።
ሰብሳቢው አክለውም ኮርፖሬሽኑ በዘጠኝ ወራት ያሳካቸውን የልማት ሥራዎች እንዲያስጠብቅ እንዲሁም የተጀመሩ ሥራዎችን በማሳካት እድገቱን እንዲያስቀጥል አሳስበዋል።
የፕሮጀክት አተገባበርን አስመልክተው በሰጡት አስተያየትም፣ ተቋሙ ለፕሮጀክት አፈጻጸም መሻሻል ትኩረት ሰጥቶ መስራት እንዳለበት ተናግረዋል።የቋሚ ኮሚቴው የኢንዱስትሪ ንዑስ ኮሚቴ ሰብሳቢ ወ/ሮ አዲስ ዓለማየሁ በበኩላቸው፣ የኮርፖሬሽኑን የዘጠኝ ወራት ዕቅድ አፈጻጸም አድንቀው፣ ኮርፖሬሽኑ ምክር ቤቱ ድጋፍ እንዲያደርግለት ከጠየቃቸው ጉዳዮች ውስጥ አብዛኛዎቹ ላይ ድጋፍ እንደሚያደርጉ አስታውቀዋል። ይሁንና ተሰብሳቢ ሒሳብ ላይ ግን ኮርፖሬሽኑ እራሱ ማስፈጸም እንዳለበት አስገንዝበዋል።የአፈር ማዳበሪያ አቅርቦት ላይ ዘንድሮ የታየው አፈጻጸም ጥሩ ነው ያሉት ወ/ሮ አዲስ፣ ከዚህ ቀደም ማዳበሪያ ከውጭ ለማስገባት የሚያጋጥሙ የኤልሲ፣ የግዥ እና የሥርጭት ተግዳሮቶች አሁን ላይ እንደተፈቱ መረዳታቸውን ጠቁመዋል፡፡አስተያየታቸውን ሲያጠቃልሉም፣ የደን ውጤቶችን (ሙጫ፣ ዕጣን፣ ከርቤና አበከድ) ለመሰብሰብና ለውጭ ገበያ ለማቅረብ የሚደረገው እንቅስቃሴ ተጠናክሮ መቀጠል እንዳለበት ተናግረዋል።
በዕለቱ የኢትዮጵያ የግብርና ሥራዎች ኮርፖሬሽን ዋና ሥራ አስፈጻሚ አቶ ክፍሌ ወልደማርያም የተቋሙን አሁናዊ ቁመና፤ የ2016 በጀት ዓመት የዘጠኝ ወራት ዕቅድ አፈጻጸም፤ የ2013፣ 2014 እና 2015 በጀት ዓመታት ነቀፌታ የሌላቸው የኦዲት ግኝቶች (Unqualified audit opinion)፤ የፕሮጀክቶችና ካፒታል ግዥዎች ዕቅድ አፈጻጸም እንዲሁም ድጋፍና ክትትል የሚሹ ጉዳዮችን በሪፖርት መልክ ለቋሚ ኮሚቴው አቅርበዋል።በመጨረሻም በቋሚ ኮሚቴው ለተነሱ ጥያቄዎች እና አስተያየቶች ምላሽ ሰጥተዋል።
ግብርናን ማዘመን ግባችን ነው!
ኮርፖሬሽኑ በዘጠኝ ወራት ጥሩ አፈጻጸም ማስመዝገቡን የተቋሙ የሥራ አመራር ቦርድ አስታወቀ
አዲስ አበባ፣ ሚያዝያ 24/2016 ዓ.ም (ኢግሥኮ):- የኢትዮጵያ የግብርና ሥራዎች ኮርፖሬሽን የ2016 በጀት ዓመት የዘጠኝ ወራት ዕቅድ አፈጻጸም ጥሩ መሆኑን የተቋሙ የሥራ አመራር ቦርድ አስታወቀ።
በግብርና ሚኒስቴር የስብሰባ አዳራሽ ሚያዝያ 24 ቀን 2016 ዓ.ም የተገመገመው የኮርፖሬሽኑ የዘጠኝ ወራት ዕቅድ አፈጻጸም በአራቱ የውጤት ተኮር እይታዎች ሲመዘን ጥሩ እንደሆነ የቦርድ ሰብሳቢው ግርማ አመንቴ (ዶ/ር) ተናግረዋል።
ሰብሳቢው በቀጣዮቹ ሁለት ወራት ከኮርፖሬሽኑ የተሻለ ውጤት እንደሚጠበቅ ገልጸው፣ በእነዚህ ጊዜያት የግብርና ግብዓቶችን በተሟላ ሁኔታ ለአርሶ አደሩ እና በግብርናው ዘርፍ ለተሰማሩ አካላት ለማቅረብ የቅርብ ክትትል ያስፈልጋል ብለዋል።
ቀጣዩ ጊዜ በግብርናው ዘርፍ ወቅታዊ ሥራዎች የሚከናወኑበት ወሳኝ ወቅት ነው ያሉት ግርማ አመንቴ (ዶ/ር)፣ ይህንን ለማሳካት ኮርፖሬሽኑ ከክልሎች እና ከባለድርሻ አካላት ጋር በጋራ በመስራት በዘርፉ እንደ ሀገር የተያዙ ዕቅዶችን መፈጸም እንደሚጠበቅበት አሳስበዋል።
ለዚህም ኮርፖሬሽኑ በዘጠኝ ወራት በከፊል የፈጸማቸውን የተወሰኑ ሥራዎች በቀጣዮቹ ሁለት ወራት ሙሉ በመሉ ለመተግበር ትኩረት ሰጥቶ እንዲሰራ በአጽንዖት ተናግረዋል።
አክለውም የኮርፖሬሽኑ ማኔጅመንት የነገን ዛሬ ላይ በመስራት ተቋሙን በሁሉም የሥራ ዘርፎች ውጤታማ እና በገበያ ውስጥ ተወዳዳሪ ማድረግ እንደሚጠበቅበት ነው ያሳሰቡት።በመጨረሻም ተቋሙ የኤክስፖርት አቅሙን ለማሳደግ የውጭ ምንዛሪ የሚያስገኙ ምርቶች ላይ የበለጠ ትኩረት ሰጥቶ መስራት እንዳለበት አበክረው አስገንዝበዋል።
በዕለቱ ከሥራ አመራር ቦርድ አባላት ለተነሱ ጥያቄዎች እና አስተያየቶች የኮርፖሬሽኑ ዋና ሥራ አስፈጻሚ አቶ ክፍሌ ወልደማርያም እና የማኔጅመንት አባላት ምላሽ ሰጥተዋል።
###
ግብርናን ማዘመን ግባችን ነው!
CEO of EABC held a discussion with a Chinese company
* The company shows interest in working with EABC to supply Granular Urea and buy Natural Gum
Addis Ababa, May 24, 2024 (EABC): The Ethiopian Agricultural Businesses Corporation’s (EABC) Chief Executive Officer has discussed with Chinese high level delegation from China Petroleum Technology and Development Corporation (CPTDC).
The Ethiopian Agricultural Businesses Corporation’s CEO, Kifle Woldemariam welcomed the officials of the company in his office and discussed with them; on May 24th, 2024.
During the discussion, the delegation of the Chinese company (CPTDC) shows interest in working with EABC to supply Granular Urea fertilizer and buy Natural Gum.The authorities of the company presented detailed information about the Granular Urea which they proposed to supply to EABC.For his part, Kifle, CEO of EABC discloses that the proposal will benefit EABC and CPTDC as well.
Furthermore, he announced that the purchase of the Granular Urea fertilizer will become effective when the price, quality and type of the fertilizer are approved by the Ministry of Agriculture of Ethiopia and the Board of Directors of EABC.Meanwhile, CPTDC has purchased natural gum from EABC through its sister company and it was also learned that the delegation is interested in buying up to 3000 metric tons per year.
China Petroleum Technology and Development Corporation (CPTDC) is established in 1987 and a wholly-owned subsidiary of China National Petroleum Corporation that mainly engages in the global trade of energy equipment, petrochemical products, industrial and civilian products.
The company is among the earliest state-owned enterprises in China to engage in global business.
###
Modernizing agriculture is our goal!
5 ሚሊዮን ኩንታል የአፈር ማዳበሪያ ወደ አገር ውስጥ ገብቷል – ዶክተር ግርማ አመንቴ
(አዲስ አበባ፣ ጥር 10 ቀን 2016 ዓ.ም፣ ግብርና ሚኒስቴር) የግብርና ሚኒስትሩ ዶ/ር ግርማ አመንቴ እና የትራንስፖርትና ሎጅስቲክስ ሚኒስትሩ ዶ/ር ዓለሙ ስሜ በ2016/17 ምርት ዘመን የአፈር ማደበሪያ አገባብ ዕቅድ ክንውን ላይ የጋራ መግለጫ ሰጥተዋል፡፡ በተያዘው የምርት ዘመን የግብርና ሚኒስቴር 23 ሚሊዮን ኩንታል የአፈር ማዳበሪያ ለመግዛት አቅዶ ከክልሎች በተሰበሰበው የአፈር ማዳበሪያ ፍላጎት መሰረት 19.4 ሚሊዮን ኩንታል የአፈር ማዳበሪያ ለመግዛት 930 ሚሊዮን ዶላር ወጪ ተድርጎ ግዥ እየተፈጸመ መሆኑን ዶ/ር ግርማ አመንቴ ተናግረዋል፡፡ ግዥ ከተፈፀመው የአፈር ማዳበሪያ ውስጥም 5 ሚሊዮን ኩንታል የአፈር ማዳበሪያ ወደ አገር ውስጥ ገብቷል ብለዋል ሚኒስትሩ፡፡ በምርት ዘመኑም ከሚገዛው የአፈር ማዳበሪያ ውስጥ 25 በመቶው ለመስኖ ስንዴ ልማት፣ 20 በመቶው ለበልግ እርሻ ስራ እንዲሁም ቀሪው 55 በመቶ ለመኸር እርሻ ጥቅም ላይ እንደሚውል አብራርተዋል፡፡ አርሶና አርብቶ አደሩም የሚቀርብለትን የአፈር ማዳበሪያ በአግባቡ በመጠቀም የግብርና ልማት ስራዎችን እንዲያከናውኑ መልዕክት አስተላልፈዋል፡፡ የአፈር ማዳበሪያ የማጓጓዙን ስራ ለማከናወን ከ10 ሺህ በላይ የየብስ ተሸከርካሪዎችን በማሰማራት እየተሰራ ሲሆን ከዚህ በተጨማሪም ከ16 በላይ የባቡር ማጓጓዣዎችንም በመጠቀም ወደብ የደረሰውን የአፈር ማዳበሪያ ወደ አገር ውስጥ የማስገባት ስራ እየተሰራ መሆኑን ዶ/ር ዓለሙ ጠቁመዋል፡፡ ከዚህ ጋር በተያያዘም የ2016/17 በጀት ዓመት የአፈር ማደበሪያ አገባብ ዕቅድ እና ክንውን ላይ የስትሪንግ ኮሚቴ ውይይት ተካሂዷል፡፡
ካሜራ፡- ያሬድ አሰፋ
ዘጋቢ፥- ሰለሞን ደምሰው
ኮርፖሬሽኑ 10 አጭዶመውቂያዎችንተረከበ
አዲስ አበባ፣ ህዳር 11/ 2016 ዓ.ም. (ኢግሥኮ)፡- የኢትዮጵያ የግብርና ሥራዎች ኮርፖሬሽን ከቻይና ያስመጣቸውን ‘ዙምላየን’ በመባል የሚታወቁ 10 አጭዶ መውቂያዎችን (combine harvesters) ዛሬ ህዳር 11 ቀን 2016 ተረከበ፡፡ የአጭዶ መውቂያዎቹን ቁልፍ የዙምላየን ካምፓኒ ተወካይ ሚስተር አሊን ኪን ለኮርፖሬሽኑ ዋና ሥራ አስፈጻሚ አቶ ክፍሌ ወልደማርያም አስረክበዋል፡፡
በርክክቡ ወቅት አቶ ክፍሌ እንደተናገሩት፣ የቻይና የእርሻ እና የኮንስትራክሽን መሣሪያዎች አምራች ኩባንያ ከሆነው ዙምላየን ጋር ኮርፖሬሽኑ የንግድ ስምምነት በመፈጸም ለመጀመሪያ ጊዜ አጭዶ መውቂያ መሣሪያዎችን ለአርሶ አደሮች፣ በግብርና ሥራ ለተሰማሩ ድርጅቶች እና ባለሀብቶች ማቅረቡን ገልጸዋል። አጭዶ መውቂያዎቹ ብልሽት ሲያጋጥማቸው በቀላሉ የሚጠገኑ፣ ለአያያዝና አጠቃቀም ምቹ እና ለሀገራችን የአየር ንበረትና የመሬት አቀማመጥ ተስማሚ በመሆናቸው በአብዛኛው ተጠቃሚዎች ዘንድ ተመራጭነት እንደሚኖራቸው አቶ ክፍሌ አስታውቀዋል፡፡
የዙምላየን ተወካይ አሊን ኪን በበኩላቸው፣ አጭዶ መውቂያዎቹን ለማስተዋወቅ በመገኘታቸው ክብር እንደሚሰማቸው ጠቁመው፣ ዙምላየን ኩባንያ በቻይና ግንባር ቀደም የኮንስትራክሽን እና እርሻ መሣሪያዎች አምራች መሆኑን ተናግረዋል፡፡ ኩባንያቸው የእርሻ መሣሪያዎችን በማቅረብ ረገድ የስኬት ታሪክ ያለው መሆኑን አንስተው፣ ከኮርፖሬሽኑ ጋር ከሽያጭ በኋላ በተለያዩ የቴክኒክ እና ሞያ ድጋፎች አብረው እንደሚሰሩና በዚህም ስኬታማ እንደሚሆኑ አስረድተዋል፡፡ በሌላ በኩል አጭዶ መውቂያዎቹ በምርት መሰብሰብ ወቅት የሚከሰት ብክነትን በማስቀረት ምርታማነትን እንደሚጨምሩም ተናግረዋል፡፡ ከርክክቡ ቀጥሎ የአጭዶ መውቂያዎቹ የትውውቅ ፕሮግራም የተካሄደ ሲሆን፤ አጭዶ መውቂያው ስንዴ፣ በቆሎ፣ ጤፍ፣ አኩሪ አተር እና ሌሎች የሰብል አይነቶችን ማጨድና መውቃት እንደሚችል በባለሞያዎች ተብራርቷል። በአንድ ጊዜ እስከ አራት ሜትር ስፋት ያለው ሰብል አጭዶ መውቃት እንደሚችል የተነገረለት ዙምላየን አጭዶ መውቂያ፣ 25 ኩንታል የመያዝ አቅም ያለው ጎተራ/ቋት እንዳለው በትውውቁ ላይ ተገልጿል። በዋናው መሪያ ቤት ግቢ በተካሄደው የርክክብ ሥነ ሥርዓት ላይ ከዙምላየን የመጡ የቴክኒክ ባለሞያዎች፣ የኮርፖሬሽኑ የሥራ አመራር ቦርድ አባል፣ የሥራ መሪዎች፣ የመሠረታዊ የሠራተኛ ማኅበር ሰብሳቢ እና ሠራተኞች ተገኝተዋል፡፡ ከዙምላየን የመጡ የቴክኒክ ባለሞያዎች ከህዳር 7-8/2016 ዓ.ም ስለ አጭዶ መውቂያው ለኮርፖሬሽኑ ኦፕሬተሮችና መካኒኮች የቴክኒክ ሞያ ሥልጠና ሰጥተዋል፡፡ የኢትዮጵያ የግብርና ሥራዎች ኮርፖሬሽን የግብርና ግብዓቶችን እና የእርሻ መሣሪያዎችን በተመጣጣኝ ዋጋ ለተጠቃሚዎች በማቅረብ፣ ከማሳ ዝግጅት እስከ ጎተራ የሚዘልቅ የተቀናጀ የሜካናይዜሽን አገልግሎት በመስጠት እንዲሁም አዳዲስ የግብርና ቴክኖሎጂዎችን በማስተዋወቅ የሀገሪቷን ግብርና ለማዘመን እየሰራ ይገኛል። ኮርፖሬሽኑ በአሁኑ ወቅት የቼክ ሪፐብሊክ ስሪት የሆነውን ‘ዜቶር’ ትራክተር እና ሌሎች የእርሻ መሣሪያዎችን ከአውሮፓ እና ቻይና በማስመጣት ለተጠቃሚዎች በማቅረብ ላይ ይገኛል፡፡
የኮርፖሬሽኑ ዋና ሥራ አስፈጻሚ የምርት መሰብሰብ ሥራ አስጀመሩ ለበጋ መስኖ ስንዴ ልማት የሚውል ዘር እየተሰበሰበ ነው
አርዳይታ፣ ህዳር3/2016 ዓ.ም (ኢግሥኮ):- በኢትዮጵያ የግብርና ሥራዎች ኮርፖሬሽን የአርዳይታ ቅድመ መስራች፣ መስራች እና የተመሰከረለት ዘር እርሻ ልማት የደረሰ ምርት የመሰብሰብ ሥራን የኮርፖሬሽኑ ዋና ሥራ አስፈጻሚ አስጀመሩ። ዋና ሥራ አስፈጻሚው አቶ ክፍሌ ወልደማርያም ዛሬ ህዳር 3 ቀን 2016 ዓ.ም በአርዳይታ የዘር ማባዣ እርሻ ልማት ተገኝተው የምርት መሰብሰብ ሥራን አስጀምረዋል። የእርሻ ጣቢያው በ2015/16 የምርት ዘመን የስንዴ፣ ገብስ፣ ጎመን ዘር እና በቆሎ ሰብሎች 20 ዝርያዎችን ማባዛቱን የገለጹት አቶ ክፍሌ፣ በቅድመ መስራች፣ መስራች እና የተመሰከረለት ዘር ከተሸፈነው 3 ሺህ 69.32 ሄክታር መሬት ከ82 ሺህ ኩንታል በላይ ዘር እንደሚጠበቅ አስታውቀዋል። ከሚሰበሰበው ዘር ውስጥ ለበጋ መስኖ ልማት የሚውል የስንዴ ዘር ዋነኛው መሆኑንም አክለው ተናግረዋል። በሀገር ደረጃ በምርጥ ዘር አቅርቦት ፋና ወጊ የሆነው የኢትዮጵያ የግብርና ሥራዎች ኮርፖሬሽን በተለያዩ ክልሎች አምስት አካባቢዎች የቅድመ መስራች፣ መስራች እና የተመሰከረለት ዘር ማባዣ እርሻ ልማት ጣቢያዎችን (አርዳይታ፣ ጎንዴ ኢተያ፣ ጊቤ፣ ቻግኒ እና ታማሻሎ) በማቋቋም እንዲሁም በሰፋፊ የመንግሥትና የግል እርሻዎች እና በክላስተር በተደራጁ አርሶ አደሮች ማሳዎች በኮንትራት በመስራት በአማካይ በ15 ሺህ ሄክታር መሬት የ22 ሰብሎችን 78 ዝርያዎች እያባዛ በዓመት ከ350 ሺህ ኩንታል በላይ ዘር ለተጠቃሚዎች እያቀረበ ይገኛል፡፡ ይህም ኮርፖሬሽኑ በሀገር ደረጃ ካለው የምርጥ ዘር ፍላጎት ውስጥ ከ30 በመቶ በላይ የሚሆነውን ድርሻ እንዲያሟላ አስችሎታል፡፡ ኮርፖሬሽኑ በ2015/16 ምርት ዘመን በሦስት የዘር ደረጃዎች በእራሱ የምርጥ ዘር ማባዣ እርሻዎች፣ በሰፋፊ ኮንትራት አባዥዎች እና በክላስተር በተደራጁ አርሶ አደሮች ማሳዎች በዘር ከሸፈነው 20 ሺህ ሄክታር የሚጠጋ መሬት 473 ሺህ 791 ኩንታል ዘር ይገኛል ተብሎ ይጠበቃል። የሀገሪቷን ግብርና ለማዘመን በአንድ መስኮት የተሟላ አገልግሎት በመስጠት ላይ የሚገኘው ኮርፖሬሽኑ፣ የተለያዩ የግብርና ግብዓቶችንና የእርሻ መሣሪያዎችን ለተጠቃሚዎች ከማቅረቡ ባሻገር የተቀናጀ የግብርና ሜካናይዜሽን፣ የደረቅ ጭነት እንዲሁም ከሽያጭ በኋላ የቴክኒክና ሞያ፣ የምክርና የጥገና አገልግሎቶችን ተደራሽ በማድረግ ላይ ይገኛል።
