የኮርፖሬሽኑ የዘጠኝ ወራት ዕቅድ አፈጻጸም አበረታች መሆኑን የተቋሙ የሥራ አመራር ቦርድ ገለጸ

የኮርፖሬሽኑ የዘጠኝ ወራት ዕቅድ አፈጻጸም አበረታች መሆኑን የተቋሙ የሥራ አመራር ቦርድ ገለጸ
አዲስ አበባ፣ ሚያዝያ 21/2017 ዓ.ም (ኢግሥኮ):- የኢትዮጵያ የግብርና ሥራዎች ኮርፖሬሽን የ2017 በጀት ዓመት የዘጠኝ ወራት ዕቅድ አፈጻጸም አበረታች መሆኑን የተቋሙ የሥራ አመራር ቦርድ ገለጸ።
ቦርዱ ይህን የገለጸው፣ በግብርና ሚኒስቴር የስብሰባ አዳራሽ ሚያዝያ 21 ቀን 2017 ዓ.ም የኮርፖሬሽኑ የዘጠኝ ወራት ዕቅድ አፈጻጸም በተገመገመበት ወቅት ነው።በዚሁ ወቅት የግብርና ሚኒስትር እና የኮርፖሬሽኑ የቦርድ ሰብሳቢ ግርማ አመንቴ (ዶ/ር)፣ ተቋሙ የ2017 በጀት ዓመት የገቢና ትርፍ ዕቅዱን በቀሪዎቹ ሁለት ወራት እንዲያሳካ የሥራ መመሪያ ሰጥተዋል።
የተቋሙ ዋና ሥራ አስፈጻሚ አቶ ክፍሌ ወልደማርያም በበኩላቸው፣ ኮርፖሬሽኑ እንደ ባለፉት ዓመታት የዘንድሮውን በጀት ዓመት የገቢና የትርፍ ዕቅድ ሙሉ በሙሉ እንደሚያሳካ ተናግረዋል። ዕቅዱን ለማሳካትም የኮርፖሬሽኑ የዋና መ/ቤት የሥራ መሪዎችና ሠራተኞች ከመጋቢት 3 ቀን 2017 ዓ.ም ጀምሮ ከመደበኛ ሥራቸው በተጨማሪ በወር ሁለት ቅዳሜ ቀናትን በሥራ ለማሳለፍ ተስማምተው ደንበኞችን በማገልገል ላይ እንደሚገኙ አብራርተዋል።
በተመሳሳይ በተቋሙ ቅርንጫፍ ጽ/ቤቶች የቅዳሜ ሥራ መደበኛ መሆኑን የጠቀሱት አቶ ክፍሌ፣ በቀጣዮቹ ሁለት ወራት ቀሪ የኦፕሬሽን ሥራዎችን በጥብቅ ዲሲፕሊን በመምራት፣ ገቢን በመጨመርና ወጪን በመቀነስ የኮርፖሬሽኑን ዕቅድ ማሳካት ይቻላል ብለዋል።
ግብርናን ማዘመን ግባችን ነው!

የኮርፖሬሽኑን ልማት ለማገዝ ዝግጁ መሆናቸውን የቤኒሻንጉል ጉሙዝ ክልል ርዕሰ መስተዳድር አስታወቁ

አሶሳ፣ መጋቢት 24 ቀን 2017 ዓ.ም (ኢግሥኮ):-  የኢትዮጵያ የግብርና ሥራዎች ኮርፖሬሽን በቤኒሻንጉል ጉሙዝ ክልል እያካሄደ የሚገኘውን የልማት ሥራ ለማገዝ ዝግጁ መሆናቸውን የክልሉ መንግሥት ርዕሰ መስተዳድር አቶ አሻድሊ ሀሰን አስታወቁ።ርዕሰ መስተዳድሩ ይህንን ያስታወቁት፣ በኮርፖሬሽኑ ዋና ሥራ አስፈጻሚ አቶ ክፍሌ ወልደማርያም የተመራ የልዑካን ቡድን በጽ/ቤታቸው ተቀብለው በአነጋገሩበት ወቅት ነው። ውይይቱ በዋነኛነት ያተኮረው ኮርፖሬሽኑ ለክልሉ ባቀረበው የበቆሎ ምርጥ ዘር ማባዣ የእርሻ መሬት ጥያቄ እና በተፈጥሮ ሙጫና እጣን ምርቶች አቅርቦት ላይ ነው።

በዚህ ወቅት አቶ አሻድሊ፣ ኮርፖሬሽኑ በ2013 ዓ.ም ለክልሉ አቅርቦ ለነበረው የምርጥ ዘር ማባዣ የእርሻ መሬት ጥያቄ ምላሽ በመስጠት መሬት መፍቀዳቸውን አስታውሰው፣ ይሁንና ኮርፖሬሽኑ የተፈቀደው መሬት ለበቆሎ ምርጥ ዘር እንደማይስማማ በመግለጽ ተለዋጭ መሬት መጠየቁን ተናግረዋል።
በዚህ መሰረት ቀደም ሲል ለኮርፖሬሽኑ ከተፈቀደው የእርሻ መሬት በተጨማሪ የኮርፖሬሽኑ እና የክልሉ የመሬት አስተዳደር ቢሮ ባለሞያዎች በጋራ ሆነው ጥናት በማካሄድ በአሶሳና ባምባሲ ዙሪያ ለበቆሎ ምርጥ ዘር ማባዣ ተስማሚ የሆነ የእርሻ መሬት በአጭር ጊዜ ውስጥ እንደሚያፈላልጉ ገልጸዋል።
የተፈጥሮ ሙጫና እጣን ምርቶችን ለኮርፖሬሽኑ ከማቅረብ አኳያም፣  በማኅበር ከተደራጁ የክልሉ ወጣቶች ጋር በመነጋገር ምርቶቹን እንዲያቀርቡ እንደሚደረግ አስታውቀዋል። በሌላ በኩል የክልሉን ግብርና በመደገፍ ረገድ ኮርፖሬሽኑ የእርሻ መሣሪያዎችን ለክልሉ አርሶና አርብቶ አደሮች እንዲሁም ባለሃብቶች በማቅረብ፣ ሀገራዊ ተልዕኮውን እንዲወጣ ጠይቀዋል።
አክለውም ኮርፖሬሽኑ ከባለሃብቶች ጋር በመተባበር በኮንትራት እርሻ በክልሉ እያካሄደ ከሚገኘው የበቆሎ ምርጥ ዘር ብዜት በተጨማሪ የቅባት እህሎችን እንዲያመርት፣ የግብርና ግብዓቶችና የሜካናይዜሽን አገልግሎት ማዕከል እንዲያቋቁም፣ የዘር ብጠራ አገልግሎት እንዲሰጥ፣ የእርሻ መሣሪያዎች መለዋወጫዎች እንዲያቀርብ እና ከሽያጭ በኋላ የቴክኒክ ሞያ ሥልጠና እንዲያመቻች ጥሪ አቅርበዋል።
የኮርፖሬሽኑ ዋና ሥራ አስፈጻሚ አቶ ክፍሌ ወልደማርያም በበኩላቸው፣ በቀጣይ የክልሉን የግብርና ልማት ይበልጥ ከማገዝ አኳያ የግብርና ግብዓቶችንና የእርሻ መሣሪያዎችን ከእነተቀጽላቸውና መለዋወጫቸው ጋር ለማቅረብ፣ ሁለገብ የግብርና ማዕከል ለማቋቋም፣ ለዜጓች ሰፊ የሥራ ዕድል ለመፍጠር፣ የዘር ብጠራ አገልግሎት እና የቴክኒክ ሞያ ሥልጠና ለመስጠት ቁርጠኛ መሆናቸውን ተናግረዋል።በተለይም የክልሉ ባለሃብቶች፣ አርሶና አርብቶ አደሮች ኮርፖሬሽኑ ለገበያ የሚያቀርባቸውን የእርሻ መሣሪያዎች በብድር ገዝተው እንዲጠቀሙ ለማገዝ ከክልሉ ጋር በመሆን የባንክ ብድር የማመቻቸት ሥራ እንደሚከናወን ጠቁመዋል።
በመጨረሻም የክልሉ መንግሥት ለኮርፖሬሽኑ ልማት ውጤታማነት እያደረገ የሚገኘውን ሁለገብ ድጋፍ አድንቀው፣ ምስጋና አቅርበዋል።በውይይቱ ላይ የቤኒሻንጉል ጉሙዝ ክልል ርዕሰ መስተዳድር አቶ አሻድሊ ሀሰንን ጨምሮ የክልሉ ግብርና ቢሮ ኃላፊ አቶ ባበክር ኸሊፋ እና የርዕሰ መስተዳድሩ የኢኮኖሚ አማካሪ አቶ በቀለ አንበሳ እንዲሁም በኢትዮጵያ የግብርና ሥራዎች ኮርፖሬሽን በኩል ዋና ሥራ አስፈጻሚው አቶ ክፍሌ ወልደማርያም፣ የእርሻ መሣሪያዎችና የግብርና ውጤቶች አቅርቦት ዐቢይ ዘርፍ ምክትል ዋና ሥራ አስፈጻሚ አቶ ፈለቀ ገዛኸኝ፣ የደን ውጤቶች አቅርቦትና ሽያጭ መምሪያ ሥራ አስኪያጅ ወይዘሮ ብዙነሽ ኢያሱ እና የአሶሳ ቅርንጫፍ ጽ/ቤት ሥራ አስኪያጅ አቶ ታደሰ ድሪርሳ ተገኝተዋል።

                 ግብርናን ማዘመን ግባችን ነው!

የቼክ ሪፐብሊክ ‘ዜቶር (ZETOR)’ ትራክተሮች ዛሬም በገበያ ላይ ናቸው

ከጣልያኑ ዱዝ-ፋር ትራክተር በተጨማሪ 110፣ 120 እና 136 የፈረስ ጉልበት ያላቸውን ‘ዜቶር’ በመባል የሚታወቁ የቼክ ሪፐብሊክ ታዋቂ ትራክተሮችን በተመጣጣኝ ዋጋ ለተጠቃሚዎች አቅርቧል።ይሄም ብቻ አይደለም፤ ወደ ተቋማችን ጎራ ሲሉ ሌሎች ትርፋማ የሚያደርግዎትን ማረሻ፣ መከስከሻ፣ መስመር ዋውጫ፣ ኬሚካል መርጫ፣ ዘር መዝሪያ፣ ማዳበሪያ መበተኛ፣ የእርሻ መሣሪያዎችና የከባድ ተሽከርካሪዎች ጎማ፣ ባትሪ እና ፊልትሮ በተመጣጣኝ ዋጋ፣ በጥራትና በብዛት ያገኛሉ።
ለበለጠ መረጃ :- 0911 157091 ወይም 0114 – 42 34 38 ላይ ይደውሉ።

ግብርናን ማዘመን ግባችን ነው!

የኢትዮጵያ የግብርና ሥራዎች ኮርፖሬሽን

የኮርፖሬሽኑ የመጀመሪያ ስድስት ወራት ዕቅድ አፈጻጸም አበረታች መሆኑ ተገለጸ

* “የኮርፖሬሽኑ የ2016 በጀት ዓመት የሂሳብ ሪፖርት ነቀፌታ የሌለበት  (Unqualified Audit Opinion/Clean Audit Report) በመሆኑ የተቋሙ ማኔጅመንት ሊመሰገን ይገባል።” የሥራ አመራር ቦርድ ሰብሳቢ

አዲስ አበባ፣ ጥር 12/2017 ዓ.ም (ኢግሥኮ):- የኢትዮጵያ የግብርና ሥራዎች ኮርፖሬሽን የ2017 በጀት ዓመት የመጀመሪያ ስድስት ወራት ዕቅድ አፈጻጸም አበረታች መሆኑን የተቋሙ የሥራ አመራር ቦርድ ገለጸ። በግብርና ሚኒስቴር የስብሰባ አዳራሽ ጥር 12 ቀን 2017 ዓ.ም የተገመገመው የኮርፖሬሽኑ የመጀመሪያ ስድስት ወራት ዕቅድ አፈጻጸም በአራቱ የውጤት ተኮር እይታዎች ሲመዘን አበረታች እንደሆነ የቦርድ ሰብሳቢው ግርማ አመንቴ (ዶ/ር) ተናግረዋል።
የኮርፖሬሽኑ የ2016 በጀት ዓመት ሂሳብ ሪፖርትን በተመለከተም፣ ሂሳቡ በውጭ ኦዲተር ተመርምሮ ነቀፌታ የሌለበት የኦዲት አስተያየት የተሰጠበት በመሆኑ የተቋሙ ማኔጅመንት ሊመሰገን ይገባል ብለዋል። ሰብሳቢው አክለውም ኮርፖሬሽኑ ከ2013 በጀት ዓመት ጀምሮ በሂሳብ እና በኦዲት አፈጻጸም ያሳየው ከፍተኛ ለውጥ ተጠናክሮ መቀጠል እንዳለበት አሳስበዋል።
በሌላ በኩል ኮርፖሬሽኑ አዳዲስ ቴክኖሎጂዎችን ከውጭ እያስመጣ በስፋት የማስተዋወቅ እና ለገበያ የማቅረብ ሥራዎችን በስፋት አጠናክሮ እንዲቀጥል ቦርዱ የሥራ መመሪያ ሰጥቶአል። በተለይም የበቆሎ መፈልፈያ ማሽኖችን (Maize Combine Harvesters) ወደ ሀገር ውስጥ በብዛት በማስገባት የአርሶ አደሮችን እና የባለሃብቶችን ፍላጎት ለማሟላት ትኩረት ሰጥቶ መስራት እንደሚገባ አስገንዝበዋል።
የካፒታል ፕሮጀክቶች ክትትል እና አፈጻጸም ላይ ለውጥ እንዳለ የጠቆሙት የቦርድ ሰብሳቢው ግርማ አመንቴ (ዶ/ር)፣ የተጀመሩ ፕሮጀክቶችን በፍጥነት እና በጥራት አጠናቆ ወደ አዳዲስ ፕሮጀክቶች መሸጋገር እንደሚያስፈልግ ተናግረዋል።
በመጨረሻም የበጀት ዓመቱን ዕቅድ በቀጣይ ስድስት ወራት ሙሉ በሙሉ በመተግበር ገቢን ማሳደግ ይገባል ብለዋል።

   ግብርናን ማዘመን ግባችን ነው!

EABC earns 846 thousand USD from exporting incense & gum

Ethiopian Agricultural Businesses Corporation (EABC) has earned 846 thousand USD from exported incense, gum and myrrh in the concluded 2016 Ethiopian fiscal year. The foreign currency was obtained from offering 145 tons of forest products of incense, gum and myrrh. Moreover, an income of 13 million birr was obtained by providing 149.8 tons of forest products to the local market.
EABC’s Adama branch manager, Mr. Endale Tadesse states that the Corporation has been generating foreign currency for the country. The Corporation collects the products from arid areas of the country like Tigray, Amhara, Somali, Benishangul Gumuz and Oromia regions by producing and purchasing, Mr. Endale pointed out.He also indicated that the corporation has a forest products preparation and exporting center at Adama city. The collected forest products from different areas are combed, blown, separated, graded by color and size, packaged and prepared for export as well, Endale denoted.
According to the manager, at present, there are 400 tons of forest products in stock and preparations are being made to export them. Incense, gum and myrrh are mainly used as inputs for medicine, garment, food & beverage, cosmetic and other factories.

ኮርፖሬሽኑ ከእጣን እና ሙጫ 846 ሺህ የአሜሪካን ዶላር አገኘ

አዲስ አበባ፣ ነሐሴ 30 ቀን 2016 ዓ.ም (ኢግሥኮ)፦ የኢትዮጵያ የግብርና ሥራዎች ኮርፖሬሽን በ2016 በጀት ዓመት 1 ሺህ 450 ኩንታል የእጣን፣ ሙጫ፣ ከርቤ እና አበከድ የደን ውጤቶችን ወደተለያዩ የዓለም ሀገራት በመላክ 846 ሺህ የአሜሪካ ዶላር አገኘ፡፡በተጨማሪም ለሀገር ውስጥ ገበያ 1 ሺህ 498 ኩንታል የእጣን፣ ሙጫ፣ ከርቤ እና አበከድ ምርቶችን በማቅረብ 13 ሚሊዮን ብር የሚጠጋ ገቢ ማግኘት ችሏል፡፡በኮርፖሬሽኑ የአዳማ ቅርንጫፍ ጽ/ቤት ሥራ አስኪያጅ አቶ እንዳለ ታደሰ እጣን፣ ሙጫ፣ ከርቤ እና አበከድ በውጭ እና በሀገር ውስጥ ገበያዎች ተፈላጊ መሆናቸውን አስታውቀዋል፡፡

ኮርፖሬሽኑ እነዚህን የደን ውጤቶች ከሀገሪቷ ቆላማ አካባቢዎች በማምረትና በግዥ እንደሚሰበስብ የጠቆሙት አቶ እንዳለ፣ ከተለያዩ አካባቢዎች የተሰበሰበውን እጣንና ሙጫ አዳማ በሚገኘው ማዕከል በማበጠር፣ ደቃቁንና አንኳሩን በመለየት፣ በቀለምና በመጠን ደረጃ በማውጣት፣ በማሸግ እና በማዘጋጀት ወደ ውጭ እንደሚልኩ አብራርተዋል፡፡
በአሁኑ ወቅት 4 ሺህ ኩንታል የደን ውጤቶች በክምችት እንደሚገኙ እና ወደ ውጭ ለመላክ ዝግጅት እየተደረገ መሆኑን አቶ እንዳለ ተናግረዋል፡፡
ኮርፖሬሽኑ ከሚሰበስበው እጣን ውስጥ አብዛኛው ለውጭ ገበያ የሚቀርብ ሲሆን፣ ለመድኃኒት፣ ለጨርቃጨርቅ፣ ለመጠጥ፣ ለኮስሞቲክስ ወዘተ ማምረቻ ፋብሪካዎች በግብዓትነት ይውላል።
በሌላ በኩል ለሀገር ውስጥ ገበያ የሚቀርበው እጣን በአብዛኛው በቤት ውስጥ እና በተለያዩ ቦታዎች የሚጨስ መሆኑን አቶ እንዳለ አክለው ገልጸዋል፡፡