ኮርፖሬሽኑ በአፈር ማዳበሪያ ግዥ፣ አቅርቦትና ሥርጭት መሳለጥ ለአበረከተው የጎላ አስተዋጽዖ ተሸለመ

አዲስ አበባ፣ ነሐሴ 30 ቀን 2016 ዓ.ም (ኢግሥኮ):- የኢትዮጵያ የግብርና ሥራዎች ኮርፖሬሽን የ2016/17 ምርት ዘመን የአፈር ማዳበሪያ ግዥ፣ አቅርቦት እና ሥርጭት እንዲሳለጥ ለአበረከተው የጎላ አስተዋጽዖ ከግብርና ሚኒስቴር የእውቅና እና የምስጋና የምስክር ወረቀት እና ዋንጫ ተበረከተለት።

በተመሳሳይ የኮርፖሬሽኑ የግብርና ምርት ማሳደጊያዎች አቅርቦት ዘርፍ ሥራ አስፈጻሚ አቶ ሰለሞን ገብሬ መላክ የአፈር ማዳበሪያ የማጓጓዝ ሂደቱ እንዲሳለጥ እና ለተጠቃሚዎች በወቅቱ እንዲደርስ ለአበረከቱት የጎላ አስተዋጽዖ የእውቅና እና የምስጋና የምስክር ወረቀት ተሰጥቶአቸዋል።
አዲስ አበባ በሚገኘው የኃይሌ ሪዞርት ሆቴል ነሐሴ 29 ቀን 2016 ዓ.ም በግብርና ሚኒስቴር በተዘጋጀው የእውቅና እና የምስጋና መርሐ ግብር ላይ ኮርፖሬሽኑ እና አቶ ሰለሞን ገብሬ ከግብርና ሚኒስትር ግርማ አመንቴ (ዶ/ር) እጅ ሽልማታቸውን ተቀብለዋል።

                         ግብርናን ማዘመን ግባችን ነው!

ለመስኖ እርሻ የሚውል የአፈር ማዳበሪያ የግዥ ሂደት ተጀመረ

ለ2017/18 የምርት ዘመን 25 ሚሊየን ኩንታል የአፈር ማዳበሪያ ግዥ ይፈጸማል
አዲስ አበባ፣ ነሐሴ 26/2016 ዓ.ም (ኢግሥኮ):- የኢትዮጵያ የግብርና ሥራዎች ኮርፖሬሽን በ2017/18 የምርት ዘመን ለመስኖ እርሻ የሚውል ዳፕ እና ዩሪያ የአፈር ማዳበሪያ ከውጭ ለማጓጓዝ የግዥ ሂደት ጀመረ። በምርት ዘመኑ 25 ሚሊየን ኩንታል የአፈር ማዳበሪያ ግዥ ይፈጸማል።
የኮርፖሬሽኑ የሥራ አመራር ቦርድ ነሐሴ 20 ቀን 2016 ዓ.ም በሰጠው ውሳኔ መሰረት ለመስኖ እርሻ የሚውል ዳፕ እና ዩሪያ የአፈር ማዳበሪያ ከመስከረም 2017 ዓ.ም  ጀምሮ  ለማቅረብ  እንቅስቃሴ ተጀምሯል።
ለ25 ሚሊየን ኩንታል የአፈር ማዳበሪያ (13 ሚሊየን ኩንታል ዩሪያ እና 12 ሚሊየን ኩንታል ዳፕ) ግዥ 1.3 ቢሊየን የአሜሪካን ዶላር በመንግሥት ተፈቅዷል።
ለ2016/17 የምርት ዘመን በ930 ሚሊየን የአሜሪካ ዶላር ከውጭ ከተገዛው 20 ሚሊየን ኩንታል ያህል የአፈር ማዳበሪያ ውስጥ እስከአሁን ከ18.8 ሚሊየን ኩንታል በላይ ማዳበሪያ ወደ ሀገር ውስጥ ተጓጉዞ በመሠረታዊ የኅብረት ሥራ ማኅበራት አማካኝነት ለአርሶ አደሮች እየቀረበ ነው።
መንግሥት በአፈር ማዳበሪያ ግዥ ላይ ከ2016 ዓ.ም ጀምሮ ተግባራዊ የተደረገ አዲስ የግዥ መመሪያ በማውጣቱ ከግዥ ጋር የተያያዙ ችግሮች ተፈተዋል። በዚህም ማዳበሪያን ቀደም ብሎ መግዛት እና ማጓጓዝ በመቻሉ ባለፈው የምርት ዘመን 21 ቢሊየን ብር ለማዳን ተችሏል፡፡
የግብርና ሚኒስቴር በየዓመቱ እያጠና በሚያቀርበው የሀገሪቱ የአፈር ማዳበሪያ ፍላጎት መሰረት የኢትዮጵያ የግብርና ሥራዎች ኮርፖሬሽን (ኢግሥኮ) ከተቋቋመበት ከ2008 ዓ.ም ጀምሮ ዓለም አቀፍ ጨረታ እያወጣ  የማዳበሪያ ግዥ በመፈጸም ላይ ይገኛል።        

 ግብርናን ማዘመን ግባችን ነው!

Ethiopian Investment Holdings’ CEO congratulates EABC staff on their successful achievements of 2016 fiscal year

Addis Ababa, September 3, 2024 (EABC): Ethiopian Investment Holdings’ (EIH) CEO Biruk Taye (PhD) congratulates Ethiopian Agricultural Businesses Corporation’s (EABC) management and staff on their successful achievements of 2016 Ethiopian fiscal year.
The CEO has made comments during the EABC 2016 budget year employees final meeting and 2017 Ethiopian new year eve extraordinary entertainment program that was held on August 31, 2024 at the head office.
The CEO added that EIH is highly committed to support EABC financially and technically as well as facilitating foreign companies to work with the corporationin a joint venture agreement.  
The CEO urges EABC to widen and strengthen its operations, diversify products and services and to give special focus to export agricultural products.
EIH portfolio director, Kiyya Tekalegn states that EIH considers capital raise for the corporation not to encounter working capital shortage.
Mr. Woldeabe Demissie, Board of Directors member of the EABC on his part disclosed that the corporation is a backbone for the country’s agricultural sector growth. The Board of Directors is dedicated to do what is expected to carry out, Woldeabe noted.
CEO of EABC, Mr. Kifle Woldemariam, on his remark praises all entities which have a significant role on the corporation success. Accordingly, Mr. Kifle acknowledges and thanks Board of Directors for strategic leadership, EIH for continuous support, staff for their diligence and endeavors and also stakeholders for the indispensable contribution for the corporation to be effective.On the occasion, the gymnasium has been officially inaugurated by Kifle Woldemariam, CEO of EABC.

###

Modernizing Agriculture is Our Goal!

“ኮርፖሬሽኑ በ2016 በጀት ዓመት ከፍተኛ ውጤት በማስመዝገቡ እንኳን ደስ ያላችሁ” የኢትዮጵያ ኢንቨስትመንት ሆልዲንግስ ዋና ሥራ አስፈጻሚ

“ተቋሙ የሀገሪቱ የኢኮኖሚ ዋልታ በመሆኑ ቦርዱ የሚጠበቅበትን ሁሉ ያደርጋል” የኮርፖሬሽኑ የሥራ አመራር ቦርድ አባል

አዲስ አበባ፣ ነሐሴ 25 ቀን 2016 ዓ.ም (ኢግሥኮ)፦ የኢትዮጵያ የግብርና ሥራዎች ኮርፖሬሽን በ2016 በጀት ዓመት ከፍተኛ ውጤት በማስመዝገቡ የኢትዮጵያ ኢንቨስትመንት ሆልዲንግስ ዋና ሥራ አስፈጻሚ ብሩክ ታዬ (ዶ/ር) የተቋሙን የሥራ ኃላፊዎች እና ሠራተኞች እንኳን ደስ ያላችሁ ብለዋል።ዋና ሥራ አስፈጻሚው ይህን የገለጹት፣ የ2016  ዓ.ም  የሠራተኞች ዓመታዊ የማጠቃለያ ስብሰባ እና የ2017 አዲስ ዓመት ዋዜማ ልዩ የመዝናኛ መርሐ ግብር ነሐሴ 25 ቀን 2016 ዓ.ም በኮርፖሬሽኑ ዋና መስሪያ ቤት በተካሄደበት ወቅት ነው፡፡ዋና ሥራ አስፈጻሚው ተቋሙ ላስመዘገበው ከፍተኛ ውጤት የኮርፖሬሽኑን ሥራ አመራር ቦርድ፣ ማኔጅመንቱን እና ሠራተኞችን አመስግነዋል፡፡የኢትዮጵያ ኢንቨስትመንት ሆልዲንግስ ለኮርፖሬሽኑ የልማት ሥራዎች አስፈላጊውን የቴክኒክና የፋይናንስ ድጋፍ እንደሚያደርግ እና በሽርክና ከውጭ ኩባንያዎች ጋር የሚሰራበትን ሁኔታዎች እንደሚያመቻች ዋና ሥራ አስፈጻሚው አረጋግጠዋል፡፡ኮርፖሬሽኑ የኦፕሬሽን ሥራዎችን እንዲያስፋፋ እና እንዲያጠናክር፣ ለገበያ የሚያቀርባቸውን ምርቶች እና አገልግሎቶች በአይነት፣ በጥራትና በመጠን እንዲያሳድግ እና ወደ ውጭ የሚላኩ ምርቶች ላይ ትኩረት ሰጥቶ እንዲሰራ የሥራ መመሪያ ሰጥተዋል፡፡በኢትዮጵያ ኢንቨስትመንት ሆልዲንግስ የንግድ ፖርትፎሊዮ ዳይሬክተር አቶ ኪያ ተካልኝ በበኩላቸው፣ ከማክሮ ኢኮኖሚ ፖሊሲ ማሻሻያ ጋር ተያይዞ ኮርፖሬሽኑ የሥራ ማስኬጃ እጥረት እንዳያጋጥመው ካፒታሉን ለማሳደግ ተቋማቸው ጥረት እንደሚያደርግ አስታውቀዋል፡፡የኮርፖሬሽኑ የሥራ አመራር ቦርድ አባል አቶ ወልደአብ ደምሴ በበኩላቸው፣ ኮርፖሬሽኑ በግብርናው መስክ የሀገሪቱ የኢኮኖሚ ዋልታ በመሆኑ ቦርዱ የሚጠበቅበትን ሁሉ ለማድረግ ዝግጁ መሆኑን ተናግረዋል፡፡የኮርፖሬሽኑ ዋና ሥራ አስፈጻሚ አቶ ክፍሌ ወልደማርያም በዕለቱ ባደረጉት ንግግር፣ ኮርፖሬሽኑ ላለፉት ዓመታት በርካታ ስኬቶችን እንዲያስመዘግብ ስትራቴጂካዊ አመራር የሰጠውን የሥራ አመራር ቦርድ፣ የቅርብ ክትትልና ድጋፍ ያደረገውን የኢትዮጵያ ኢንቨስትመንት ሆልዲንግስ፣ ከፍተኛ ጥረትና ርብርብ ያደረጉትን የኮርፖሬሽኑ የሥራ መሪዎች እና ሠራተኞች እንዲሁም በተቋሙ ስኬት ላይ አስተዋጽዖ የነበራቸውን የባለድርሻ አካላት አመስግነዋል፡፡የኮርፖሬሽኑ የመሰረታዊ ሠራተኛ ማኅበር ሊቀመንበር አቶ ብርሃኑ ደበሌ በበኩላቸው ባስተላለፉት መልእክት፣ ሠራተኞች አንድነታቸውን ጠብቀው በየተሰማሩበት የሥራ መስክ የተጣለባቸውን አደራ እንዲወጡ አሳስበው፣ ለጋራ ስኬት በቁርጠኝነት እንስራ ብለዋል።

በዕለቱ የኮርፖሬሽኑ የስፖርት ማዕከል (ጂምናዚየም) በተቋሙ ዋና ሥራ አስፈጻሚ አቶ ክፍሌ ወልደማርያም ተመርቋል፡፡
                              ###
            ግብርናን ማዘመን ግባችን ነው!

በ2016 እቅድ አፈጻጸም እና በ2017 እቅድ ዙሪያ ውይይት ተደረገ

አዲስ አበባ፣ ነሐሴ 22 ቀን 2016 ዓ.ም (ኢግሥኮ)፦ የኢትዮጵያ የግብርና ሥራዎች ኮርፖሬሽን የሥራ መሪዎች እና ሠራተኞች በ2016 በጀት ዓመት እቅድ አፈጻጸም እና በ2017 በጀት ዓመት እቅድ ላይ ነሐሴ 21 ቀን 2016 ዓ.ም በኮርፖሬሽኑ ዋና መስሪያ ቤት የመሰብሰቢያ አዳራሽ ተወያዩ።
የኮርፖሬሽኑ ዋና ሥራ አስፈጻሚ አቶ ክፍሌ ወልደማርያም የኮርፖሬሽኑ የሥራ መሪዎች እና ሠራተኞች ባደረጉት ሁለገብ ጥረት ተቋሙ በ2016 በጀት ዓመት ያቀዳቸውን ሥራዎች ማሳካት መቻሉን አስታውቀዋል፡፡ዋና ሥራ አስፈጻሚው ለተገኘው ውጤት የሥራ መሪዎችን እና ሠራተኞችን አመስግነው፣ በተያዘው በጀት ዓመት በከፍተኛ ቁርጠኝነት በመስራት የኮርፖሬሽኑን ስኬታማ ጉዞ እንዲያስቀጥሉ የሥራ መመሪያ ሰጥተዋል፡፡አክለውም በተፈጥሮ ሙጫ ምርቶች አቅርቦት፣ በመሬት ዝግጅት፣ በሰብል መሰብሰብ፣ በተሽከርካሪዎች ጥገና ጥራት እና በፕሮጀክቶች አፈጻጸም የተሻለ ውጤት ለማስመዝገብ በትኩረት መስራት ይጠበቃል ብለዋል፡፡የምርት እና አገልግሎት አይነትና መጠንን ማስፋት እና ወጪ ቅነሳ ሌሎች የበጀት ዓመቱ የትኩረት አቅጣጫዎች መሆናቸውንም ዋና ሥራ አስፈጻሚው አስገንዝበዋል፡፡በዕለቱ ከሠራተኞች ለተነሱ ጥያቄዎች እና አስተያየቶች ዋና ሥራ አስፈጻሚው እና ምክትል ዋና ሥራ አስፈጻሚዎች ምላሽ ሰጥተዋል።
                              ###
              ግብርናን ማዘመን ግባችን ነው!

የኮርፖሬሽኑ የ2016 በጀት ዓመት ዕቅድ አፈጻጸም ጥሩ መሆኑን የኢትዮጵያ ኢንቨስትመንት ሆልዲንግስ ገለጸ

* ቋሙ ተጨማሪ ገቢ የሚያስገኙ አዳዲስ የኢንቨስትመንት መስኮች ላይ ትኩረት ሰጥቶ መስራት እንዳለበት ተጠቁሟል

አዲስ አበባ፣ ነሐሴ 17 ቀን 2016 ዓ.ም (ኢግሥኮ)፦ የኢትዮጵያ የግብርና ሥራዎች ኮርፖሬሽን የ2016 በጀት ዓመት ዕቅድ አፈጻጸም ጥሩ መሆኑን የኢትዮጵያ ኢንቨስትመንት ሆልዲንግስ (ኢኢሆ) ገለጸ።
የኮርፖሬሽኑ አፈጻጸም ነሐሴ 17 ቀን 2016 ዓ.ም በስካይላይት ሆቴል በተገመገመበት ወቅት የውይይት መድረኩን የመሩት የኢኢሆ ዋና ሥራ አስፈጻሚ ብሩክ ታዬ (ዶ/ር)፣  ኮርፖሬሽኑ በተጠናቀቀው በጀት ዓመት ያስመዘገበው አፈጻጸም ጥሩ መሆኑን ገልጸዋል። አክለውም ኮርፖሬሽኑ ውጤቱን አስጠብቆ ለመቀጠል ተጨማሪ ገቢ የሚያስገኙ አዳዲስ የኢንቨስትመንት መስኮች ላይ ትኩረት ሰጥቶ መስራት እንዳለበት አስገንዝበዋል።ለአብነትም ምርጥ ዘር እና ለውጭ ገበያ የሚቀርቡ የሰብል ምርቶች ላይ በስፋት መስራት እንደሚገባ ጠቁመዋል። ለዚህ ደግሞ የኢኢሆ ድጋፍ እንደማይለይ ዋና ሥራ አስፈጻሚው ብሩክ ታዬ (ዶ/ር) ተናግረዋል።የኢኢሆ ምክትል ዋና ሥራ አስፈጻሚ ወይዘሮ መልእክት ሳህሉ በበኩላቸው፣ የኮርፖሬሽኑ ሥራ አመራር ኢኢሆ የሚሰጣቸውን ግብረ መልሶች ተቀብሎ በዕቅዱ ውስጥ በማካተት በየጊዜው የአፈጻጸም ሪፖርት ማቅረቡን አድንቀው፣ ሚዛናዊ የውጤት ተኮር ሥርዓትን (BSC) በትክክል የሚተገብር ተቋም መሆኑንም መስክረዋል።በዕለቱ ከኢትዮጵያ ኢንቨስትመንት ሆልዲንግስ ዋና ሥራ አስፈጻሚ እና የሥራ ኃላፊዎች ለቀረቡ ጥያቄዎችና አስተያየቶች የኮርፖሬሽኑ ዋና ሥራ አስፈጻሚ አቶ ክፍሌ ወልደማርያም እና የሥራ አመራር ቦርድ አባል አቶ ወልደአብ ደምሴ  ምላሽ ሰጥተዋል።

የኢትዮጵያ የግብርና ሥራዎች ኮርፖሬሽን በ2016 በጀት ዓመት ከኦፕሬሽን ሥራዎች እና ከልዩ ልዩ ገቢዎች 10.12 ቢሊዮን ብር ገቢ ያገኘ ሲሆን፣ በትርፍ ረገድም ከታክስ በፊት ከ1.7 ቢሊዮን ብር በላይ ትርፍ ማስመዝገብ ችላል፡፡በተመሳሳይ በውጤት ተኮር አራቱ ዕይታዎች አንጻር 93.3 በመቶኛ በማከናወን ከፍተኛ ውጤት ያስመዘገበ መንግሥታዊ የልማት ድርጅት ነው፡፡

                           ###

          ግብርናን ማዘመን ግባችን ነው!

የኮርፖሬሽኑ የሥራ ኃላፊዎች እና ሠራተኞች አረንጓዴ ሻራቸውን አኖሩ

አዲስ አበባ፣ ነሐሴ 17/2016 ዓ.ም (ኢግሥኮ):-የኢትዮጵያ የግብርና ሥራዎች ኮርፖሬሽን የሥራ ኃላፊዎች እና ሠራተኞች በአንድ ጀንበር 600 ሚሊየን ችግኞችን ለመትከል የተላለፈውን ሀገራዊ ጥሪ ተከትለው ዛሬ ነሐሴ 17 ቀን 2016 ዓ.ም የተለያየ ጠቀሜታ ያላቸውን ችግኞች በመትከል አረንጓዴ አሻራቸውን አኑረዋል።በዕለቱ በተደረገ የአረንጓዴ አሻራ መርሐ ግብር  ለምግብነት የሚውሉ የፍራፍሬ እና የአየር ንብረት ለውጥን ለመከላከል ጠቀሜታ ያላቸው የጥላ ዛፍ ችግኞች በኮርፖሬሽኑ ዋና መ/ቤት እና በቅርንጫፎች ተተክለዋል።በመርሐ ግብሩ ላይ የተገኙት የኮርፖሬሽኑ ዋና ሥራ አስፈጻሚ አቶ ክፍሌ ወልደማርያም በአስተላለፉት መልእክት፣ በየዓመቱ ለምግብነት የሚውሉ የፍራፍሬ እና የጥላ ዛፍ ችግኞችን በዋና መ/ቤት እና በቅርንጫፍ ጽ/ቤቶች  እንደሚተክሉ አስታውሰው፣ ዛሬም ከጠዋት ጀምሮ
አረንጓዴ አሻራ የማኖር መርሐ ግብር እየተካሄደ መሆኑን አስታውቀዋል።”ከተቋሙ ተልእኮ አኳያ ምድሪቷን አረንጓዴ በማልበስ ሥራ እንታወቃለን” ያለት አቶ ክፍሌ፣ እንደአለፋት ዓመታት ሁሉ ለተተከሉ ችግኞች በመደረግ ላይ ያለው እንክብካቤ ተጠናክሮ ይቀጥላል ብለዋል።
                                   ###
ምድሪቱን አረንጓዴ በማልበስ ለምንታወቀው የኢግሥኮ የሥራ መሪዎች እና ሠራተኞች አረንጓዴ አሻራን ማኖር የዕለት ተዕለት ተግባራችን ነው።

5 ሚሊዮን ኩንታል የአፈር ማዳበሪያ ወደ አገር ውስጥ ገብቷል – ዶክተር ግርማ አመንቴ

(አዲስ አበባ፣ ጥር 10 ቀን 2016 ዓ.ም፣ ግብርና ሚኒስቴር) የግብርና ሚኒስትሩ ዶ/ር ግርማ አመንቴ እና የትራንስፖርትና ሎጅስቲክስ ሚኒስትሩ ዶ/ር ዓለሙ ስሜ በ2016/17 ምርት ዘመን የአፈር ማደበሪያ አገባብ ዕቅድ ክንውን ላይ የጋራ መግለጫ ሰጥተዋል፡፡ በተያዘው የምርት ዘመን የግብርና ሚኒስቴር 23 ሚሊዮን ኩንታል የአፈር ማዳበሪያ ለመግዛት አቅዶ ከክልሎች በተሰበሰበው የአፈር ማዳበሪያ ፍላጎት መሰረት 19.4 ሚሊዮን ኩንታል የአፈር ማዳበሪያ ለመግዛት 930 ሚሊዮን ዶላር ወጪ ተድርጎ ግዥ እየተፈጸመ መሆኑን ዶ/ር ግርማ አመንቴ ተናግረዋል፡፡ ግዥ ከተፈፀመው የአፈር ማዳበሪያ ውስጥም 5 ሚሊዮን ኩንታል የአፈር ማዳበሪያ ወደ አገር ውስጥ ገብቷል ብለዋል ሚኒስትሩ፡፡ በምርት ዘመኑም ከሚገዛው የአፈር ማዳበሪያ ውስጥ 25 በመቶው ለመስኖ ስንዴ ልማት፣ 20 በመቶው ለበልግ እርሻ ስራ እንዲሁም ቀሪው 55 በመቶ ለመኸር እርሻ ጥቅም ላይ እንደሚውል አብራርተዋል፡፡ አርሶና አርብቶ አደሩም የሚቀርብለትን የአፈር ማዳበሪያ በአግባቡ በመጠቀም የግብርና ልማት ስራዎችን እንዲያከናውኑ መልዕክት አስተላልፈዋል፡፡ የአፈር ማዳበሪያ የማጓጓዙን ስራ ለማከናወን ከ10 ሺህ በላይ የየብስ ተሸከርካሪዎችን በማሰማራት እየተሰራ ሲሆን ከዚህ በተጨማሪም ከ16 በላይ የባቡር ማጓጓዣዎችንም በመጠቀም ወደብ የደረሰውን የአፈር ማዳበሪያ ወደ አገር ውስጥ የማስገባት ስራ እየተሰራ መሆኑን ዶ/ር ዓለሙ ጠቁመዋል፡፡ ከዚህ ጋር በተያያዘም የ2016/17 በጀት ዓመት የአፈር ማደበሪያ አገባብ ዕቅድ እና ክንውን ላይ የስትሪንግ ኮሚቴ ውይይት ተካሂዷል፡፡
ካሜራ፡- ያሬድ አሰፋ
ዘጋቢ፥- ሰለሞን ደምሰው

ኮርፖሬሽኑ 10 አጭዶመውቂያዎችንተረከበ

አዲስ አበባ፣ ህዳር 11/ 2016 ዓ.ም. (ኢግሥኮ)፡- የኢትዮጵያ የግብርና ሥራዎች ኮርፖሬሽን ከቻይና ያስመጣቸውን ‘ዙምላየን’ በመባል የሚታወቁ 10 አጭዶ መውቂያዎችን (combine harvesters) ዛሬ ህዳር 11 ቀን 2016 ተረከበ፡፡ የአጭዶ መውቂያዎቹን ቁልፍ የዙምላየን ካምፓኒ ተወካይ ሚስተር አሊን ኪን ለኮርፖሬሽኑ ዋና ሥራ አስፈጻሚ አቶ ክፍሌ ወልደማርያም አስረክበዋል፡፡

በርክክቡ ወቅት አቶ ክፍሌ እንደተናገሩት፣ የቻይና የእርሻ እና የኮንስትራክሽን መሣሪያዎች አምራች ኩባንያ ከሆነው ዙምላየን ጋር ኮርፖሬሽኑ የንግድ ስምምነት በመፈጸም ለመጀመሪያ ጊዜ አጭዶ መውቂያ መሣሪያዎችን ለአርሶ አደሮች፣ በግብርና ሥራ ለተሰማሩ ድርጅቶች እና ባለሀብቶች ማቅረቡን ገልጸዋል። አጭዶ መውቂያዎቹ ብልሽት ሲያጋጥማቸው በቀላሉ የሚጠገኑ፣ ለአያያዝና አጠቃቀም ምቹ እና ለሀገራችን የአየር ንበረትና የመሬት አቀማመጥ ተስማሚ በመሆናቸው በአብዛኛው ተጠቃሚዎች ዘንድ ተመራጭነት እንደሚኖራቸው አቶ ክፍሌ አስታውቀዋል፡፡

የዙምላየን ተወካይ አሊን ኪን በበኩላቸው፣ አጭዶ መውቂያዎቹን ለማስተዋወቅ በመገኘታቸው ክብር እንደሚሰማቸው ጠቁመው፣ ዙምላየን ኩባንያ በቻይና ግንባር ቀደም የኮንስትራክሽን እና እርሻ መሣሪያዎች አምራች መሆኑን ተናግረዋል፡፡ ኩባንያቸው የእርሻ መሣሪያዎችን በማቅረብ ረገድ የስኬት ታሪክ ያለው መሆኑን አንስተው፣ ከኮርፖሬሽኑ ጋር ከሽያጭ በኋላ በተለያዩ የቴክኒክ እና ሞያ ድጋፎች አብረው እንደሚሰሩና በዚህም ስኬታማ እንደሚሆኑ አስረድተዋል፡፡ በሌላ በኩል አጭዶ መውቂያዎቹ በምርት መሰብሰብ ወቅት የሚከሰት ብክነትን በማስቀረት ምርታማነትን እንደሚጨምሩም ተናግረዋል፡፡ ከርክክቡ ቀጥሎ የአጭዶ መውቂያዎቹ የትውውቅ ፕሮግራም የተካሄደ ሲሆን፤ አጭዶ መውቂያው ስንዴ፣ በቆሎ፣ ጤፍ፣ አኩሪ አተር እና ሌሎች የሰብል አይነቶችን ማጨድና መውቃት እንደሚችል በባለሞያዎች ተብራርቷል። በአንድ ጊዜ እስከ አራት ሜትር ስፋት ያለው ሰብል አጭዶ መውቃት እንደሚችል የተነገረለት ዙምላየን አጭዶ መውቂያ፣ 25 ኩንታል የመያዝ አቅም ያለው ጎተራ/ቋት እንዳለው በትውውቁ ላይ ተገልጿል። በዋናው መሪያ ቤት ግቢ በተካሄደው የርክክብ ሥነ ሥርዓት ላይ ከዙምላየን የመጡ የቴክኒክ ባለሞያዎች፣ የኮርፖሬሽኑ የሥራ አመራር ቦርድ አባል፣ የሥራ መሪዎች፣ የመሠረታዊ የሠራተኛ ማኅበር ሰብሳቢ እና ሠራተኞች ተገኝተዋል፡፡ ከዙምላየን የመጡ የቴክኒክ ባለሞያዎች ከህዳር 7-8/2016 ዓ.ም ስለ አጭዶ መውቂያው ለኮርፖሬሽኑ ኦፕሬተሮችና መካኒኮች የቴክኒክ ሞያ ሥልጠና ሰጥተዋል፡፡ የኢትዮጵያ የግብርና ሥራዎች ኮርፖሬሽን የግብርና ግብዓቶችን እና የእርሻ መሣሪያዎችን በተመጣጣኝ ዋጋ ለተጠቃሚዎች በማቅረብ፣ ከማሳ ዝግጅት እስከ ጎተራ የሚዘልቅ የተቀናጀ የሜካናይዜሽን አገልግሎት በመስጠት እንዲሁም አዳዲስ የግብርና ቴክኖሎጂዎችን በማስተዋወቅ የሀገሪቷን ግብርና ለማዘመን እየሰራ ይገኛል። ኮርፖሬሽኑ በአሁኑ ወቅት የቼክ ሪፐብሊክ ስሪት የሆነውን ‘ዜቶር’ ትራክተር እና ሌሎች የእርሻ መሣሪያዎችን ከአውሮፓ እና ቻይና በማስመጣት ለተጠቃሚዎች በማቅረብ ላይ ይገኛል፡፡

የኮርፖሬሽኑ ዋና ሥራ አስፈጻሚ የምርት መሰብሰብ ሥራ አስጀመሩ ለበጋ መስኖ ስንዴ ልማት የሚውል ዘር እየተሰበሰበ ነው

አርዳይታ፣ ህዳር3/2016 ዓ.ም (ኢግሥኮ):- በኢትዮጵያ የግብርና ሥራዎች ኮርፖሬሽን የአርዳይታ ቅድመ መስራች፣ መስራች እና የተመሰከረለት ዘር እርሻ ልማት የደረሰ ምርት የመሰብሰብ ሥራን የኮርፖሬሽኑ ዋና ሥራ አስፈጻሚ አስጀመሩ። ዋና ሥራ አስፈጻሚው አቶ ክፍሌ ወልደማርያም ዛሬ ህዳር 3 ቀን 2016 ዓ.ም በአርዳይታ የዘር ማባዣ እርሻ ልማት ተገኝተው የምርት መሰብሰብ ሥራን አስጀምረዋል። የእርሻ ጣቢያው በ2015/16 የምርት ዘመን የስንዴ፣ ገብስ፣ ጎመን ዘር እና በቆሎ ሰብሎች 20 ዝርያዎችን ማባዛቱን የገለጹት አቶ ክፍሌ፣ በቅድመ መስራች፣ መስራች እና የተመሰከረለት ዘር ከተሸፈነው 3 ሺህ 69.32 ሄክታር መሬት ከ82 ሺህ ኩንታል በላይ ዘር እንደሚጠበቅ አስታውቀዋል። ከሚሰበሰበው ዘር ውስጥ ለበጋ መስኖ ልማት የሚውል የስንዴ ዘር ዋነኛው መሆኑንም አክለው ተናግረዋል። በሀገር ደረጃ በምርጥ ዘር አቅርቦት ፋና ወጊ የሆነው የኢትዮጵያ የግብርና ሥራዎች ኮርፖሬሽን በተለያዩ ክልሎች አምስት አካባቢዎች የቅድመ መስራች፣ መስራች እና የተመሰከረለት ዘር ማባዣ እርሻ ልማት ጣቢያዎችን (አርዳይታ፣ ጎንዴ ኢተያ፣ ጊቤ፣ ቻግኒ እና ታማሻሎ) በማቋቋም እንዲሁም በሰፋፊ የመንግሥትና የግል እርሻዎች እና በክላስተር በተደራጁ አርሶ አደሮች ማሳዎች በኮንትራት በመስራት በአማካይ በ15 ሺህ ሄክታር መሬት የ22 ሰብሎችን 78 ዝርያዎች እያባዛ በዓመት ከ350 ሺህ ኩንታል በላይ ዘር ለተጠቃሚዎች እያቀረበ ይገኛል፡፡ ይህም ኮርፖሬሽኑ በሀገር ደረጃ ካለው የምርጥ ዘር ፍላጎት ውስጥ ከ30 በመቶ በላይ የሚሆነውን ድርሻ እንዲያሟላ አስችሎታል፡፡ ኮርፖሬሽኑ በ2015/16 ምርት ዘመን በሦስት የዘር ደረጃዎች በእራሱ የምርጥ ዘር ማባዣ እርሻዎች፣ በሰፋፊ ኮንትራት አባዥዎች እና በክላስተር በተደራጁ አርሶ አደሮች ማሳዎች በዘር ከሸፈነው 20 ሺህ ሄክታር የሚጠጋ መሬት 473 ሺህ 791 ኩንታል ዘር ይገኛል ተብሎ ይጠበቃል። የሀገሪቷን ግብርና ለማዘመን በአንድ መስኮት የተሟላ አገልግሎት በመስጠት ላይ የሚገኘው ኮርፖሬሽኑ፣ የተለያዩ የግብርና ግብዓቶችንና የእርሻ መሣሪያዎችን ለተጠቃሚዎች ከማቅረቡ ባሻገር የተቀናጀ የግብርና ሜካናይዜሽን፣ የደረቅ ጭነት እንዲሁም ከሽያጭ በኋላ የቴክኒክና ሞያ፣ የምክርና የጥገና አገልግሎቶችን ተደራሽ በማድረግ ላይ ይገኛል።