ኮርፖሬሽኑና የኢትዮጵያ የግብርና ትራንስፎርሜሽን ኢንስቲትዩት በጋራ መሥራት በሚችሉባቸው ጉዳዮች ዙሪያ ተወያዩ

አዲስ አበባ፣ ታህሳስ 16/2018 ዓ.ም (ኢግሥኮ):- የኢትዮጵያ የግብርና ሥራዎች ኮርፖሬሽን እና የኢትዮጵያ የግብርና ትራንስፎርሜሽን ኢንስቲትዩት በጋራ መሥራት በሚችሉባቸው ጉዳዮች ዙሪያ ታህሳስ 16 ቀን 2018 ዓ.ም በኮርፖሬሽኑ ዋና ሥራ አስፈጻሚ ጽ/ቤት ተወያዩ፡፡

የኢትዮጵያ የግብርና ሥራዎች ኮርፖሬሽን ዋና ሥራ አስፈጻሚ ወ/ሮ የሺእመቤት ነጋሽ በዚህ ወቅት እንደተናገሩት፣ ኮርፖሬሽኑ ምርጥ ዘር፣ የአፈር ማዳበሪያ፣ አግሮ ኬሚካሎች፣ የእርሻ መሣሪያዎች እና የግብርና ቴክኖሎጂዎችን ለአርሶ አደሮች እና ሌሎች ተጠቃሚዎች በብዛትና በጥራት ማቅረብ የሚያስችል አቅምና ልምድ እንዳለው አስረድተዋል፡፡

ከዚህ አኳያ ኮርፖሬሽኑ በመግባቢያ ሰነድና በውል በታሰረ አካሄድ ተቋማትም ሆኑ አርሶ አደሮች የሚፈልጉትን የግብርና ግብዓቶችና የእርሻ መሣሪያዎች በማምረት፣ በመገጣጠምና ከውጭ በማስመጣት ማቅረብ እንደሚችል አብራርተዋል፡፡

የኢትዮጵያ የግብርና ትራንስፎርሜሽን ኢንስቲትዩት ዋና ዳይሬክተር እና የኢትዮጵያ የግብርና ሥራዎች ኮርፖሬሽን የሥራ አመራር ቦርድ አባል ማንደፍሮ ንጉሤ (ዶ/ር) በበኩላቸው፣ ተቋማቸው የሀገሪቷን ግብርና ለማዘመን ተመሳሳይ ዓላማ ይዞ እየሠራ ከሚገኘው የኢትዮጵያ የግብርና ሥራዎች ኮርፖሬሽን ጋር በጋራ ተቀራርቦ እንደሚሠራ ተናግረዋል፡፡

አክለውም ተቋማቸው ዘመናዊ የአመራረት ዘዴን በሀገር ደረጃ ለማስፋፋት ትራክተሮችን ለአርሶ አደሮች በድጋፍ መልክ እንደሚያቀርብ ጠቁመው፣ የመንግሥት ለመንግሥት ግዥ አሠራርን በመከተል ከኮርፖሬሽኑ ትራክተሮችን በመግዛት ለአርሶ አደሮች ለማቅረብ በጋራ እየሠራ መሆኑን አስታውቀዋል፡፡

ይህ በእንዲህ እንዳለ የኢትዮጵያ የግብርና ትራንስፎርሜሽን ኢንስቲትዩት በቅርቡ ከኮርፖሬሽኑ ስድስት ትራክተሮችን ለትግራይ እና ለደቡብ ኢትዮጵያ ክልሎች መግዛቱን እንዲሁም በቀጣይ ተጨማሪ ትራክተሮችን ለመግዛት ፍላጎት እንዳለው የኮርፖሬሽኑ የእርሻ መሣሪያዎችና የግብርና ውጤቶች አቅርቦት ዐቢይ ዘርፍ ምክትል ዋና ሥራ አስፈጻሚ ተከስተ ክፍሌ (ዶ/ር) ገልጸዋል።

በተመሳሳይ የኮርፖሬሽኑን ምርትና አገልግሎቶች ለግብርና ሚኒስቴር እና ለሌሎች ተቋማት በስፋት ለማስተዋወቅ እንቅስቃሴ እየተደረገ መሆኑን ጠቁመዋል፡፡

ከውይይቱ ቀደም ብሎ ማንደፍሮ ንጉሤ (ዶ/ር) እና የግብርና ሚኒስቴር ጽ/ቤት ኃላፊ አቶ ግርማ በቀለ በኮርፖሬሽኑ በክምችት የሚገኙ የእርሻ መሣሪያዎችን እና መለዋወጫዎችን ጎብኝተዋል፡፡

ግብርናን ማዘመን ግባችን ነው!

EABC & ATI Discuss Areas of Joint Cooperation to Modernize Ethiopian Agriculture

Addis Ababa, December 25, 2025 (EABC): The Ethiopian Agricultural Businesses Corporation (EABC) and the Ethiopian Agricultural Transformation Institute (ATI) held discussions on areas of collaboration aimed at modernizing Ethiopia’s agricultural sector.

The discussion took place on December 25, 2025, at the Office of the Chief Executive Officer of EABC.

During the discussion, the CEO of EABC, Mrs. Yeshiemebet Negash, highlighted the Corporation’s strong capacity and extensive experience in supplying agricultural inputs.

She noted that EABC is well positioned to provide improved seeds, fertilizers, agro-chemicals, agricultural machinery and modern agricultural technologies to farmers and other users in sufficient quantity and quality.

She further explained that the Corporation can supply required agricultural inputs and farm machinery to institutions and farmers through Memorandum of Understanding (MOU) and contractual arrangements.

Speaking at the meeting, the Director General of ATI and Board Member of EABC, Mandefro Nigussie (PhD), stated that his institution, which shares a common objective of transforming the country’s agriculture, will work closely with EABC to strengthen the sector.

Mandefro also noted that ATI supports farmers by providing tractors as part of its mechanization efforts.

In line with government-to-government procurement procedures, ATI is collaborating with EABC to purchase tractors and distribute them to farmers.

Meanwhile, the Deputy CEO, Agricultural Machinery and Products Supply Main Sector of EABC, Tekeste Kifle (PhD), announced that ATI recently purchased six tractors from the Corporation and distributed them to the Tigray and Southern Ethiopia regions.

He added that ATI has also expressed interest in procuring additional tractors in the near future.

Tekeste further indicated that efforts are underway to promote EABC’s products and services more widely to the Ministry of Agriculture and other relevant institutions.

Prior to the discussion, Mandefro Nigussie (PhD) and Mr. Girma Bekele, Head of the Ministry of Agriculture Office, visited the agricultural machinery and spare parts available in the Corporation’s warehouses.

Modernizing agriculture is our goal!

ርዕሰ መስተዳድር ኢንጂነር ነጋሽ ዋጌሾ (ዶ/ር) ከኢትዮጵያ ግብርና ሥራዎች ኮርፖሬሽ ከፍተኛ የሥራ ኃላፊዎች ጋር በተለያዩ ጉዳዮች ዙሪያ በጽሕፈት ቤታቸው ተወያዩ።

በውይይቱም የኢትዮጵያ ግብርና ሥራዎች ኮርፖሬሽን በምርጥ ዘር አቅርቦት ለማሳደግ እንዲሁም ዘርፉን በማዘመን ረገድ እስካሁን ሲያከናውን በቆየባቸው ጉዳዮች እና የቀጣይ ትኩረት አቅጣጫዎች ዙሪያ ዓላማ ያደረገ ነው።

የኢትዮጵያ ግብርና ሥራዎች ኮርፖሬሽን በክልሉ ቦንጋ ከተማ የተቀናጀ የግብርና ግብዓት እና ሜካናይዜሽን ማዕከል በመገንባት ከሚያከናውናቸው ዘርፈ ብዙ ተግባራት የተለያዩ ምርጥ ዘር ምርትና አቅርቦት፣የግብርና ሜካናይዜሽን (ማሽነሪ አቅርቦትና ጥገና አገልግሎት፣ ⁠የግብርና ግብዓትአርቦትና ስርጭት እና የእንስሳት ሃብት ልማት የሥጋና ወተት ምርት ማሳደግ

ላይ ትኩረት ሰጥተው እየሰራ መሆኑ ተመላክቷል።

ኮርፖሬሽኑ የጀመራቸው ሥራዎች ወደ ላቀ ደረጃ እንዲሸጋገሩ የክልሉ መንግስት በአስፈላጊ ጉዳዮች በጋራና በተቀናጀ እንደሚሰራ ርዕሰ መስተዳድር ኢንጂነር ነጋሽ ዋጌሾ (ዶ/ር) አረጋግጠዋል።

ኮርፖሬሽኑ በደቡብ ምዕራብ ኢትዮጵያ ክልል በቦንጋ ከተማ ያስገነባው የተቀናጀ የግብርና ግብዓት እና መካናይዜሽን ቀደም ሲል ይስተዋል የነበረው የምርጥ ዘር አቅርቦት ችግር በእጅጉ ከመቅረፍ ባሻገር ለሌሎች መትረፍ የሚችል አቅም እየፈጠረ እንደሚገኝ ነው የገለጹት።

የምርጥ ዘር አቅርቦት ችግር በመፍታት የግብርና ምርትና ምርታማነት ለማሳደግ በክልሉ የምርጥ ዘር ድርጅት ተቋቁመው ሥራዎች እየተሰሩ እንደሚገኝም ዶ/ር ነጋሽ ዋጌሾ ተናግረዋል።

በክልሉ የተገነባው የተቀናጀ የግብርና ግብዓት እና መካናይዜሽን ማዕከል በክልሉ የግብርና ግብዓት አቅርቦት ችግር እየፈታ ካለው ሥራ በተጨማሪም በሌሎች በገበያ ተኮር ምርቶችን በብዛትና በጥራት ማምረት ላይ ትኩረት እንዲያደርግም ጠቁመዋል።

ኮርፖሬሽኑ በክልሉ የግብርና ምርታማነት ለማሳደግ ዘመናዊ የእርሻ ማሽነሪዎች እና መካናይዜሽን አሠራር ለመከተል በሚያደርገው ጥረት የኮርፖሬሽኑ ሁሉ ዓቀፍ ድጋፍ እንዲጠናክር ጠይቀዋል።

በክልሉ ከግብርና ግብዓት አቅርቦት ለማሳደግ እንዲሁም የዘርፉን ለማዘመን በሚደረገው እንቅስቃሴ የኢትዮጵያ ግብርና ሥራዎች ኮርፖሬሽን ከክልሉ ጋር በመቀናጀት ይሰራል ሲሉ የኮርፖረሽኑ ዋና ሥራ አስፈጻሚ ወ/ሮ የሺእመቤት ነጋሽ የገለጹት።

ከኢትዮጵያ ግብርና ሥራዎች ኮርፖሬሽን ከቦንጋ ማዕከል ጋር ምርጥ ዘር አቅርቦት ችግር መፍታት እንዲሁም ዘርፉን ማዘመን በሚችልባቸው ሁኔታዎች ላይ በቅርበት እየተሰራ እንደሚገኝ የክልሉ ምክትል ርዕሰ መስተዳድር እና የግብርና ቢሮ ኃላፊ አቶ ማስረሻ በላቸው ተናግረዋል።

በፍቅር ከበደ

ኮርፖሬሽኑ በቦንጋ ያስገነባው የግብርና ግብዓት ማዕከል ተጎበኘ

ቱም፣ ታህሳስ 12 ቀን 2018 ዓ.ም (ኢግሥኮ)፦ የኢትዮጵያ የግብርና ሥራዎች ኮርፖሬሽን በደቡብ ምዕራብ ኢትዮጵያ ሕዝቦች ክልል በምዕራብ ኦሞ ዞን እያለማ የሚገኘው የኮካ እርሻ ልማት ተጎበኘ።

ታህሳስ 12 ቀን 2018 ዓ.ም በተካሄደው ጉብኝት ላይ የደቡብ ምዕራብ ኢትዮጵያ ሕዝቦች ክልል የግብርና እና የሠላምና ፀጥታ ቢሮዎች አመራሮች፣ የኢትዮጵያ ኢንቨስትመንት ሆልዲንግስ ተወካይ፣ የኢትዮጵያ የግብርና ሥራዎች ኮርፖሬሽን የሥራ ኃላፊዎች እንዲሁም የምዕራብ ኦሞ ዞን፣ የማጂና ሱሪ ወረዳዎች አስተዳዳሪዎች፣ የሀገር ሽማግሌዎች እና የአካባቢው ነዋሪዎች ተሳትፈዋል።

በጉብኝቱ ወቅት የኮርፖሬሽኑ የግብርና ውጤቶች ሽያጭና የሜካናይዜሽን አገልግሎት ዘርፍ ሥራ አስፈጻሚ አቶ ዘነበ ወልደሥላሴ ባደረጉት ገለጻ፣ ኮርፖሬሽኑ በኮካ እርሻ ልማት በ143 ሄክታር መሬት ላይ የሩዝ፣ በቆሎ፣ ሰሊጥና አኩሪ አተር ሰብሎችን በሙከራ ደረጃ ማምረቱንና ተስፋ ሰጪ ውጤት መገኘቱን አስታውቀዋል።

የእርሻ መሣሪያዎች አቅርቦት ዘርፍ ሥራ አስፈጻሚ አቶ አስማማው ግዛቸው በበኩላቸው፣ 5 ሺህ ሄክታር ስፋት ያለውን የኮካ እርሻን ሙሉ በሙሉ ወደ ሥራ ለማስገባት የመሬት ዝግጅት ሥራዎች በስፋት እየተከናወኑ መሆናቸውን ገልጸዋል።

የጉብኝቱ ተሳታፊዎችም ኮርፖሬሽኑ በክልሉ እያካሄደ የሚገኘው የግብርና ኢንቨስትመንት አበረታችና የሚደነቅ መሆኑን ተናግረዋል።

ኮርፖሬሽኑ ምርጥ ዘር እና ወደ ውጭ የሚላኩ የቅባት እህሎችን ለማምረት የኮካ እርሻን ከደቡብ ምዕራብ ኢትዮጵያ ሕዝቦች ክልል ተረክቦ በሙከራ ደረጃ ወደ ሥራ የገባው በ2017 ዓ.ም አጋማሽ ላይ ነበር።

የኢትዮጵያ የግብርና ሥራዎች ኮርፖሬሽን በክልሉ ሦስተኛ የልማት መዳረሻው ከሆነው የኮካ እርሻ ልማት በተጨማሪ የታማሻሎ የምርጥ ዘር ማባዣ እርሻ ልማት እና የቦንጋ የተቀናጀ የግብርና ግብዓትና የሜካናይዜሽን አገልግሎት ማዕከልን በክልሉ ውስጥ አቋቁሞ እያስተዳደረ ይገኛል።

ግብርናን ማዘመን ግባችን ነው!

በሕዝብ ተወካዮች ም/ቤት የመንግሥት ዋና ተጠሪ ሚኒስትር የኮርፖሬሽኑን የግብርና ግብዓት ማዕከል ጎበኙ

ቦንጋ፣ ታህሳስ 4 ቀን 2018 ዓ.ም (ኢግሥኮ)፡- በኢፌዴሪ የሕዝብ ተወካዮች ምክር ቤት የመንግሥት ዋና ተጠሪ ሚኒስትር ተስፋዬ በልጅጌ (ዶ/ር) የተመራ የልዑካን ቡድን የኢትዮጵያ የግብርና ሥራዎች ኮርፖሬሽን በቦንጋ ከተማ ያስገነባውን የተቀናጀ የግብርና ግብዓትና የሜካናይዜሽን አገልግሎት ማዕከል ጎበኘ።

የልዑካን ቡድኑ በማዕከሉ የሚካሄደውን የምርጥ ዘር ዝግጅት ተመልክቷል። 

በጉብኝቱ  ላይ አቶ ሳዳት ነሻ በምክትል ርዕሰ መስተዳድር ማዕረግ የኦሮሚያ ክልል የማኅበራዊ ክላስተር አስተባባሪ፣ አቶ ፍቅሬ አማን የደቡብ ምዕራብ ኢትዮጵያ ሕዝቦች ክልል የመንግሥት ዋና ተጠሪ እንዲሁም የካፋ ዞንና የቦንጋ ከተማ አስተዳደር የሥራ ኃላፊዎች ተገኝተዋል።
                       ###
        ግብርናን ማዘመን ግባችን ነው!

ማስታወቂያ

አስተማማኝ የእርሻ መሣሪያዎች – ከኢግሥኮ

Advertisement – Reliable Agricultural Machinery from EABC

ክቡራን ደንበኞቻችን ሁሉ ሙሉ፣ ሁሌም ዝግጁ ወደ ሆነው ኮርፖሬሽናችን ጎራ ሲሉ አስተማማኝ ትራክተሮች፣ አጭዶ መውቂያዎች (Combine harvesters)፣ ቆሞ መውቂያዎች (Multi-Crop Threshers)፣ ማረሻ፣ መከስከሻ፣ መስመር ማውጫ፣ ኬሚካል መርጫ፣ ዘር መዝሪያ፣ ማዳበሪያ መበተኛ፣ ጎማ፣ ባትሪ፣ ዘይትና ነዳጅ ማጣሪያ (ፊልተር)፣ የመዳብ ሽቦ፣ የመስኖ ፓምፕ እና መለዋወጫዎችን በተመጣጣኝ ዋጋ ያገኛሉ።

ከሽያጭ በኋላ የቴክኒክ ሞያ ሥልጠና፣ የጥገና እና የምክር አገልግሎቶችን ስለምንሰጥ በአጠቃቀምና በጥገና ዙሪያ ሀሳብዎን እኛ ላይ ይጣሉ።

ለበለጠ መረጃ:- በ0911 157 091 ወይም 0911 433 489 ላይ ይደውሉ።

###

ግብርናን ማዘመን ግባችን ነው! የኢትዮጵያ የግብርና ሥራዎች ኮርፖሬሽን (ኢግሥኮ)

Advertisement – Reliable Agricultural Machinery from EABC

Dear esteemed customers,

We are always ready to serve you.

EABC provides reliable tractors, combine harvesters, multi-crop threshers, ploughs, furrows, ridgers, pneumatic planters, seed drills, fertilizer spreaders, chemical sprayers, irrigation pumps, tires, batteries, oil & fuel filters, copper wire and various spare parts at affordable prices.

We also offer after-sales services including technical training, maintenance and advisory support.

Rely on us for all your operational and maintenance needs.

For more information, call 0911 157 091 or 0911 433 489.

Modernizing Agriculture Is Our Goal!

Ethiopian Agricultural Businesses Corporation (EABC)

የመስክ ጉብኝት

የኢትዮጵያ የግብርና ሥራዎች ኮርፖሬሽን ዋና ሥራ አስፈጻሚ ክብርት ወ/ሮ የሺእመቤት ነጋሽ የተቋሙን የአርዳይታና የአሰላ ጎንዴ የምርጥ ዘር እርሻዎች ሲጎበኙ